فوتو: اشىق دەرەككوز
ونىڭ ايتۋىنشا, ماسەلە تاۋاردىڭ ساپاسىندا ەمەس, بۇرىنعى جىلدارداعى قۇجاتتاردى راسىمدەۋ مەن لوكاليزاتسيالاۋ ۇدەرىستەرىنە قاتىستى قۇقىقتىق تۇسىندىرمەلەردە بولىپ وتىرعانىن جەتكىزدى.
ء«بىز جەتكىزەتىن بارلىق جابدىق – ناقتى, زاۋىتتا وندىرىلگەن, پايدالانۋعا بەرىلگەن جانە ەل بويىنشا مەديتسينالىق قىزمەتكەرلەر كۇندەلىكتى قولدانىپ جۇرگەن تەحنيكا. مۇنداي سوتقا دەيىنگى ايىپتاۋلار كومپانيانىڭ ىسكەرلىك بەدەلىنە نۇقسان كەلتىرەدى, الايدا «OrdaMed» اق شتاتتىق رەجيمدە جۇمىسىن جالعاستىرىپ, دارىگەرلەر, پاتسيەنتتەر, سەرىكتەستەر مەن مەملەكەت الدىنداعى جاۋاپكەرشىلىگىن اتقارىپ كەلەدى», دەيدى كومپانيا باسشىسى تۇسىنىكتەمەسىندە.
ەركىن دىلىمبەتوۆ كومپانيا سوتقا دەيىنگى تەرگەۋ ماتەريالدارىنا يە ەمەستىگىن جانە ولاردى جاريالامايتىنىن, تەك ىسكەرلىك بەدەلىن قورعاۋ اياسىنداعى ءوز ۇستانىمىن بىلدىرەتىنىن اتاپ وتكەن.
سونداي-اق رەسمي مالىمدەمەدە «OrdaMed» كومپانياسىنىڭ نارىقتا 20 جىلدان استام ۋاقىت بويى جۇمىس ىستەپ كەلە جاتقانى, ەلىمىزدەگى مەملەكەتتىك جانە جەكەمەنشىك اۋرۋحانالار مەن كلينيكالاردا كۇن سايىن پايدالانىلاتىن مىڭداعان مەديتسينالىق جابدىقتى جەتكىزىپ, قىزمەت كورسەتكەنى ايتىلعان.
«كومپانيا ءوندىرىس پەن سەرۆيستىك جەلىنى بەلسەندى تۇردە كەڭەيتىپ, سالانى دامىتۋعا جانە مەديتسينالىق قىزمەت ساپاسىن ارتتىرۋعا ينۆەستيتسيا سالىپ كەلەدى.تەرگەۋ بىرنەشە جىلدان بەرى جالعاسىپ جاتقانىنا قاراماستان, ۇقك تاراپىنان جاريا ايىپتاۋلار تەك قازىر عانا پايدا بولدى. بۇل تەرگەۋ OrdaMed باسەكەلەستەرىنىڭ شاعىمدارىنا نەگىزدەلگەن جانە ونىڭ تۇپكى ناتيجەسىندە ناقتى زاڭبۇزۋشىلىقتار ەمەس, يننوۆاتسيا ەنگىزىپ, اشىق جۇمىس ىستەيتىن ءىرى نارىق ويىنشىسىنىڭ دامۋىن تەجەۋ ارەكەتى جاتقانداي اسەر قالدىرادى», دەلىنگەن رەسمي تۇسىنىكتەمەدە.
فارماتسەۆتيكا سالاسىنداعى بىلىق: جالعان قۇجاتپەن مەديتسينالىق جابدىقتار جەتكىزگەن كومپانيا انىقتالدى
