تالعات عازيزوۆتىڭ ايتۋىنشا, تۋريستىك ونىمدەردىڭ گەوگرافياسى مەن تۇرلەرى ايتارلىقتاي كەڭەيگەن.
«بۇگىندە تمد, ەۋروپا جانە ازيانىڭ 18 ءىرى ونلاين-پلاتفورماسىندا قازاقستان بويىنشا 1100-دەن استام تۋر ۇسىنىلۋدا. بۇل 2023 جىلمەن سالىستىرعاندا ءۇش ەسە ءوسىم. بيىل وڭىرلەرگە باسىمدىق بەرە وتىرىپ, تۋرلار سانىن ودان ارى ارتتىرۋ مىندەتى قويىلىپ وتىر», دەدى تالعات عازيزوۆ.
قازاقستاننىڭ ءيميدجىن شەتەلدە ىلگەرىلەتۋ بويىنشا كەلەسىدەي جۇمىستار جۇرگىزىلدى:
- Euronews Travel, Amazon Prime Video, ءبىرىنشى ارنا جانە فرانتسيانىڭ M6 تەلەارناسىندا كورسەتىلىپ, نەگىزگى نىسانالى نارىقتاردى قامتۋدى قامتاماسىز ەتتى;
- قازاقستاننىڭ قىتايدىڭ الەۋمەتتىك جەلىلەرىندەگى – Weibo, WeChat, Rednote پلاتفورمالارىنداعى جانە الەمدىك جەتەكشى تسيفرلىق الاڭدارداعى قاتىسۋى تۇراقتى تۇردە دامىپ كەلەدى;
- وتكەن جىلى 12 ەلدەن كەلگەن 115 جۋرناليست, بلوگەر جانە تۋروپەراتوردىڭ قاتىسۋىمەن 16 ينفوتۋر ۇيىمداستىرىلدى.
بيىلعى جوسپار دا اۋقىمدى. اتاپ ايتساق, مادەني, ەتنومادەني, سپورتتىق, ەكولوگيالىق جانە گاسترونوميالىق باعىتتاعى ءىس-شارالاردى قامتيتىن بىرىڭعاي ءىس-شارالار كۇنتىزبەسى قالىپتاستىرىلدى. بارلىق ايماقتاردى قامتيتىن 55 نەگىزگى ءىس-شارا تاڭداپ الىندى.
2026 جىلى تيمبالەند, نيكول شەرزينگەر, باستا رايمس سياقتى جانە تاعىدا باسقا الەمدىك جۇلدىزداردىڭ قاتىسۋىمەن ءىرى كونتسەرتتىك ءىس-شارالار وتكىزۋ جوسپارلانعان.
سونىمەن قاتار فەستيۆال ءتۋريزمىن جوبالاۋ جانە ىلگەرىلەتۋ بويىنشا ارنايى شتاب قۇرىلدى. بۇعان قوسا, ازيا مەن تاياۋ شىعىستاعى ماقساتتى قالالاردا, سونداي-اق مۋمباي, دۋباي, شانحاي, سەۋل, توكيو جانە سينگاپۋردا 10 روۋد-شوۋ وتكىزۋدى جوسپارلانعان.
