قازىرگى تاڭدا وبلىستاعى سپورت مەكەمەلەرىندە 27 507 سپورتشى تۇراقتى تۇردە جاتتىعىپ, ولارمەن 1136 جاتتىقتىرۋشى جۇمىس جۇرگىزىپ جاتىر. وڭىردە سپورتتىڭ 88 ءتۇرى قامتىلىپ, 858 جامبىلدىق سپورتشى ءتۇرلى دەڭگەيدەگى ۇلتتىق قۇراما كوماندالاردىڭ ساپىندا ونەر كورسەتىپ ءجۇر.
2025 جىل جامبىلدىق سپورتشىلار ءۇشىن تابىستى بولدى. ولار رەسپۋبليكالىق جانە حالىقارالىق جارىستاردا 1 856 مەدال يەلەندى. ونىڭ ىشىندە 686 التىن, 515 كۇمىس جانە 655 قولا جۇلدە بار. وتكەن جىلدىڭ باستى حالىقارالىق دوداسى – توكيودا وتكەن سۋردليمپيادا ويىندارىندا جامبىل وبلىسىنان 12 سپورتشى 7 سپورت تۇرىنەن سىنعا ءتۇسىپ, 1 التىن, 3 كۇمىس جانە 2 قولا مەدال جەڭىپ الدى.
وبلىستىق دەنە شىنىقتىرۋ جانە سپورت باسقارماسىنىڭ باسشىسى ەرنار يبرايموۆتىڭ ايتۋىنشا, وڭىردە سپورت ينفراقۇرىلىمىن دامىتۋ جۇمىستارى دا قارقىن العان. قازىرگى تاڭدا وبلىس اۋماعىندا 2 465 سپورت نىسانى جۇمىس ىستەپ تۇر, ولاردىڭ بارلىعى تۇرعىندار ءۇشىن تولىقتاي قولجەتىمدى. 2025 جىلى 8 سپورت نىسانى مەن 103 سپورت الاڭشاسى پايدالانۋعا بەرىلىپ, ناتيجەسىندە حالىقتىڭ سپورتتىق ينفراقۇرىلىممەن قامتىلۋ دەڭگەيى 75,4 %-عا جەتتى.
2026 جىلى تاعى 13 سپورت نىسانىن پايدالانۋعا بەرۋ جوسپارلانىپ وتىر.
جامبىل وبلىسى
