فوتو: اشىق دەرەككوز
ەۋروكوميسسيا سۋپەركومپيۋتەرلەردىڭ قارقىندى دامۋىنا بايلانىستى بارلىق قۇپياسوزدەردىڭ بۇزىلۋ قاۋپى بار ەكەنىن ەسكەرتتى.
ەۋروكوميسسيانىڭ تەحنولوگيالىق ەگەمەندىك پەن دەرەكتەر قاۋىپسىزدىگى جونىندەگى كوميسسارى حەننا ۆيرككۋنەننىڭ ايتۋىنشا, زاماناۋي شيفرلاۋ جۇيەلەرى شامامەن ءتورت جىلدان كەيىن ءوزىنىڭ تيىمدىلىگىن تولىق جوعالتۋى ىقتيمال. باستى قاۋىپ – زاماناۋي اشىق كىلتتى شيفرلاۋ ادىستەرىن وڭاي بۇزا الاتىن كۆانتتىق كومپيۋتەرلەردىڭ پايدا بولۋىندا. سونىڭ سالدارىنان جەكە حات الماسۋلاردى, بانك وپەراتسيالارىن, كورپوراتيۆتىك دەرەكتەردى جانە مەملەكەتتىك ورگانداردىڭ اقپاراتتىق جۇيەلەرىن قورعاۋعا ارنالعان كۇردەلى قۇپياسوزدەردىڭ ءوزى قاۋىپ استىندا قالۋى مۇمكىن.
ەۋروكوميسسيا بۇل قاتەرگە قارسى جالعىز ءتيىمدى شەشىم – پوستكۆانتتىق كريپتوگرافيانى ەنگىزۋ ەكەنىن اتاپ ءوتتى. ەو-نىڭ جول كارتاسىنا سايكەس, 2030 جىلعا قاراي اسا ماڭىزدى جۇيەلەردى كۆانتتىق ەسەپتەۋلەرگە ءتوزىمدى جاڭا شيفرلاۋ ادىستەرىنە كوشىرۋ ۇسىنىلادى. الايدا كوشۋ مەرزىمى مەن اۋقىمى جونىندەگى تۇپكىلىكتى شەشىم ەو-عا مۇشە مەملەكەتتەردىڭ قۇزىرىندا قالا بەرەدى.
