فوتو: Euronews / AP Photo / Angelina Katsanis
بۇكىل شتات اۋماعىندا جۇزدەگەن كاسىپورىن, ءدامحانا مەن ويىن-ساۋىق ورتالىقتارى فەدەرالدى يمميگراتسيالىق وپەراتسيالارعا قارسىلىق بەلگىسى رەتىندە جۇمىسىن توقتاتتى. بۇل قادام سوڭعى اپتالاردا كۇشەيگەن رەپرەسسيالىق شارالارعا جاۋاپ رەتىندە ۇيىمداستىرىلدى.
نارازىلىقتىڭ ورشۋىنە يمميگراتسيالىق قىزمەتتىڭ بەس جاسار ەكۆادورلىق بالانى پايدالانىپ, ونىڭ اكەسىن ۇيىنەن شىعارۋعا تىرىسقان ءساتى تۇسىرىلگەن سۋرەتتەر سەبەپ بولدى. بۇعان دەيىن, 7 قاڭتاردا فەدەرالدىق قىزمەت وكىلى اقش ازاماتىن اتىپ ولتىرگەنى بەلگىلى بولدى.
ميننەسوتا گۋبەرناتورى تيم ۋولز فەدەرالدىق اگەنتتەردىڭ قاتىسۋىمەن تاعى ءبىر «جان تۇرشىگەرلىك اتىس» بولعانىن مالىمدەدى. جەلىدە جاراقات العان ادام مەن اتىس داۋىسى ەستىلەتىن بەينەجازبالار تاراپ جاتىر.
سونىمەن قاتار بۇۇ-نىڭ ادام قۇقىقتارى جونىندەگى جوعارعى كوميسسارى ۆولكەر تيۋرك اقش بيلىگىن ميگرانتتار مەن بوسقىندارعا قاتىستى قاتىگەزدىكتى دەرەۋ توقتاتۋعا شاقىردى.
اقش-تان كوشكەندەر سانى كەلۋشىلەردەن اسىپ ءتۇستى: ترامپ ەميگراتسيا ماسەلەسىن قالاي شەشتى؟
