فوتو: kazakhtourist.kz
Bloomberg جۋرنالىنىڭ جازۋىنشا, الماتى باسقا تۋريستىك باعىتتارمەن سالىستىرعاندا ساپار ۋاقىتىنىڭ ۇزاقتىعىمەن ۇتادى. كەيبىر ەلدەرگە ترەۆەل-ساراپشىلار تەك بەلگىلى ءبىر ءۇش-ءتورت ايدا, كوبىنە جاز مەزگىلىندە بارۋدى ۇسىنادى. ال الماتىدا جىلدىڭ سەگىز ايىندا تاماشا تۋريستىك مۇمكىندىكتەر بار: قىستا – شاڭعى جانە تاۋ-شاڭعى سپورتى, كوكتەم مەن كۇزدە – بەلسەندى تاۋلى ەكوتۋريزم.
ماڭعىستاۋ وبلىسى شەتەلدىك تۋريستەردى ەڭ كوپ تارتاتىن وڭىرلەردىڭ ۇشتىگىنە ەندى
جىلىنا ەكى رەت, قاڭتار جانە شىلدە ايلارىندا, ۇلتتىق ستاتيستيكا بيۋروسىنىڭ ماماندارى ۆوكزالدار مەن اۋەجايلاردا ەلدەن كەتىپ بارا جاتقان تۋريستەر اراسىندا الەۋمەتتىك ساۋالناما جۇرگىزەدى. وتكەن جىلى بۇل ساۋالنامالارعا شەتەلدەن كەلگەن 24 مىڭنان استام ساياحاتشى قاتىسقان. مۇنداي ىرىكتەمەلى زەرتتەۋلەر قازاقستانعا كەلەتىن شەتەلدىك تۋريستەردىڭ جالپى پورترەتىن جاساۋعا مۇمكىندىك بەرەدى.
ولاردىڭ جارتىسىنان استامى – 25 پەن 44 جاس ارالىعىنداعى جاستار. ءاربىر ەكىنشى رەسپوندەنت − رەسەيدەن كەلگەن تۋريست. ورتا ەسەپپەن شەتەلدىك قوناقتار قازاقستانعا ءتورت كۇنگە كەلەدى. ولار كەيبىر وڭىرلەردە ۇزاعىراق بولۋى مۇمكىن. مىسالى, الماتىدا – التى كۇن, ماڭعىستاۋ وبلىسىندا – جەتى كۇن.
ايتا كەتۋ كەرەك, Bloomberg ۇسىنعان ەڭ تارتىمدى لوكاتسيالار تىزىمىندە ورتالىق ازيا مەن ەاەو ەلدەرىنەن الماتىدان وزگە قالا جوق.
بيىل الماتى وبلىسىنا بارعان تۋريستەر سانى 2,2 ميلليون ادامعا جەتكەن
