«شەشىم الەمدىك دەڭگەيدە قابىلدانادى, مۇندا ءبىر ادامنىڭ نەمەسە ءبىر فەدەراتسيانىڭ جەكە شەشىمى بولۋى مۇمكىن ەمەس. جانىبەك ءالىمحان ۇلى WBO مەن IBF نۇسقالارى بويىنشا الەم چەمپيونى. بۇل ونىڭ ەكى بەدەلدى حالىقارالىق ۇيىمنىڭ سپورتشىسى ەكەنىن بىلدىرەدى.
بۇل ۇيىمداردا: زاڭدىق كوميسسيالار, مەديتسينالىق ساراپتاما جۇيەلەرى, سپورتشىلاردىڭ قۇقىقتارىن قورعاۋدىڭ ناقتى تەتىكتەرى بار. سوندىقتان شەشىم بارلىق دالەلدەر مەن قۇجاتتار قارالعاننان كەيىن, تەك ەرەجەلەر مەن زاڭدار اياسىندا قابىلدانادى. كاسىبي بوكستا ءدال وسىلاي بولۋى كەرەك, ەموتسياعا ەمەس, فاكتىلەر مەن رەگلامەنتكە سۇيەنۋ قاجەت», دەپ جازدى مامان ءوزىنىڭ Instagram پاراقشاسىندا.
جەلتوقسان ايىنىڭ باسىندا ءالىمحان ۇلىنىڭ دوپينگ سىناماسىنان تىيىم سالىنعان زات – مەلدوني انىقتالعان بولاتىن. سونىڭ سالدارىنان ونىڭ كۋبالىق بوكسشى ەريسلاندي لاراعا قارسى ءۇش الەم چەمپيونى تيتۋلى ءۇشىن ءوتۋى ءتيىس بىرىككەن جەكپە-جەگى وتپەي قالدى.
8 قاڭتاردا بوكسشى كومانداسىنىڭ تالابى بويىنشا B سىناماسى اشىلىپ, ونىڭ ناتيجەسى دە ءدال وسىنداي بولعانى بەلگىلى بولدى. اتالعان ءىس بويىنشا تىڭداۋ ەندى 23 قاڭتاردا وتەدى.
