«Horizon Europe» باعدارلاماسىنا قاتىسۋ مۇمكىندىكتەرى مەن اسا ماڭىزدى شيكىزات ماتەريالدارى سالاسىنداعى حالىقارالىق عىلىمي-تەحنولوگيالىق ىنتىماقتاستىقتى دامىتۋعا ارنالعان ەكى كۇندىك حالىقارالىق ۆوركشوپ ەۋروپالىق كوميسسيا مەن Nazarbayev University قولداۋىمەن ۇيىمداستىرىلدى. ۆوركشوپقا ۋنيۆەرسيتەتتەر مەن عىلىمي ۇيىمداردىڭ, يندۋستريالىق سەرىكتەستەردىڭ وكىلدەرى, حالىقارالىق ساراپشىلار, سونداي-اق حالىقارالىق عىلىمي جوبالاردى سۇيەمەلدەيتىن ۇيىمدار قاتىستى.
سپيكەرلەر ءوز باياندامالارىندا حالىقارالىق عىلىمي-تەحنولوگيالىق ىنتىماقتاستىقتىڭ ستراتەگيالىق ماڭىزىن, «Horizon Europe» باعدارلاماسىنىڭ وتاندىق ۇيىمداردى ەۋروپالىق زەرتتەۋ كەڭىستىگىنە كىرىكتىرۋدەگى ءرولىن, سونداي-اق عىلىم مەن ونەركاسىپ اراسىنداعى ۇزاق مەرزىمدى ارىپتەستىكتەردى دامىتۋدىڭ وزەكتىلىگىن اتاپ ءوتتى.
سپورتشىلارعا ارنالعان جاساندى ينتەللەكت باعدارلاماسى ازىرلەنىپ جاتىر
19-20 قاڭتار كۇندەرى قاتىسۋشىلار ءۇشىن «Horizon Europe» باعدارلاماسىنا قاتىسۋدىڭ پراكتيكالىق قىرلارى, سونىڭ ىشىندە ءوتىنىم بەرۋ ەرەجەلەرى, حالىقارالىق كونسورتسيۋمداردى قالىپتاستىرۋ تەتىكتەرى جانە سەرىكتەس ىزدەۋ قۇرالدارى تانىستىرىلادى.
باعدارلاما اياسىندا اسا ماڭىزدى شيكىزات ماتەريالدارى ماسەلەلەرىنە ارنالعان جەكە تاقىرىپتىق سەسسيا دا قاراستىرىلعان.
اتالعان ۆوركشوپ وتاندىق ۇيىمداردىڭ «Horizon Europe» باعدارلاماسىنا قاتىسۋ اۋقىمىن كەڭەيتۋگە, سەرىكتەستىك بايلانىستاردى نىعايتۋعا, تەحنولوگيالاردى بىرلەسىپ دامىتۋعا, تاجىريبە الماسۋعا جانە وتاندىق عىلىمدى حالىقارالىق زەرتتەۋ مەن يننوۆاتسيالىق جەلىلەرگە جۇيەلى تۇردە ينتەگراتسيالاۋعا مۇمكىندىك بەرەدى.
