فوتو: اقوردا
«ارال ماسەلەسىن قوزعاماۋ مۇمكىن ەمەس. ارال تەڭىزىن قۇتقارۋ بۇكىل ادامزات ءۇشىن ءالى دە اسا ماڭىزدى مىندەت بولىپ وتىر. مەن بۇل ماسەلەنى حالىقارالىق الاڭداردا بىرنەشە رەت كوتەردىم», دەدى مەملەكەت باسشىسى.
وسى رەتتە قاسىم-جومارت توقاەۆ كوپجىلدىق جۇيەلى جۇمىستىڭ ارقاسىندا سولتۇستىك ارالدى ساقتاپ قالۋعا مۇمكىندىك تۋعانىن ايتتى. توقاەۆ تەڭىزدى قالپىنا كەلتىرۋ جوباسى باستالعانىنا بەس جىل بولعانىن ەسكە سالدى.
مەملەكەتتىك كەڭەسشى: بۋرابايداعى قۇرىلتايدان كەيىن 6 زاڭ قابىلدانىپ, 10 زاڭ جۇمىسقا الىندى
پرەزيدەنت ارال ءوڭىرىنىڭ ەكوجۇيەسىن قالپىنا كەلتىرۋ باعىتىنداعى جۇيەلى جۇمىستى جالعاستىرۋدىڭ جانە وسى ماسەلەنى شەشۋگە حالىقارالىق قاۋىمداستىقتى تارتۋدىڭ ماڭىزدىلىعىن اتاپ ءوتتى.
«قازىر كوكارال بوگەتىن بيىكتەتۋ شارالارى قولعا الىنىپ جاتىر. جوبا وسى جىلدىڭ سوڭىندا باستالادى. كىشى ارالدىڭ سۋىنىڭ كولەمىن ايتارلىقتاي كوبەيتۋگە مۇمكىندىك بولادى. بىراق بۇل – تەك ءبىزدىڭ قولىمىزدا تۇرعان ماسەلە ەمەس. قازاقستانداعى ءىرى وزەندەردىڭ كوبى باستاۋىن كورشى مەملەكەتتەردەن الادى. داريانىڭ باسىندا تۇرعان ەلدەردىڭ سۋ سالاسىنداعى ساياساتىنا بايلانىستى سىردىڭ سۋى تەڭىزگە ءار كەزدە ءارتۇرلى كولەمدە جەتەدى. دەمەك كوپ تۇيتكىلدىڭ شەشىمى سۋ سالاسىنداعى شەبەر ديپلوماتياعا بايلانىستى. قازىر ورتالىق ازيا ەلدەرىنىڭ بارىمەن سۋ رەسۋرستارىن بىرلەسە پايدالانۋ تۋرالى كەلىسىمدەر جاسالدى. تۇپتەپ كەلگەندە, ارال عانا ەمەس, كاسپيدىڭ, بالقاشتىڭ, ەرتىستىڭ تاعدىرىن شەشۋ ءۇشىن كورشىلەرمەن مامىلەگە كەلىپ, كەلىسىمدەرگە قول قويۋىمىز قاجەت», دەدى ول.
قاسىم-جومارت توقاەۆ سۋ ەلىمىز ءۇشىن ستراتەگيالىق رەسۋرس ەكەنىن ايتىپ, سۋ ماسەلەسىمەن جۇيەلى تۇردە اينالىسۋ كەرەكتىگىن اتاپ ءوتتى.
«مەن بىلتىر بىرىككەن ۇلتتار ۇيىمى اياسىندا حالىقارالىق سۋ ۇيىمىن قۇرۋدى ۇسىندىم. بىرىككەن ۇلتتار ۇيىمىن رەفورمالاۋ بارىسىندا وسى ماسەلەنى العا قاراي جىلجىتۋىمىز قاجەت. الداعى ساۋىردە استانادا حالىقارالىق ەكولوگيا ءسامميتى وتەدى. جيىندا ارالدى قۇتقارۋ قورىنا مۇشە مەملەكەتتەر باسشىلارىمەن ارال ماسەلەسىن تالقىلايمىز. كىشى ارالدىڭ قالپىنا كەلۋى بۇكىل سىر ءوڭىرىن ودان ءارى كوركەيتۋگە جول اشادى دەپ ۇمىتتەنەمىز», دەدى پرەزيدەنت.
200-دەن استام ۇسىنىس: قۇرىلتايدىڭ سەكتسيالىق وتىرىستارىندا نە تالقىلاندى؟
ەسكە سالايىق, قىزىلوردادا مەملەكەت باسشىسى قاسىم-جومارت توقاەۆتىڭ توراعالىعىمەن ۇلتتىق قۇرىلتايدىڭ V وتىرىسى ءوتىپ جاتىر.
