بىرقاتار وبلىستا قاتتى اياز, قارلى بوران, تۇمان, كوكتايعاق جانە جەلدىڭ كۇشەيۋى كۇتىلەدى. شىعىس قازاقستان, اباي, قاراعاندى جانە جەتىسۋ وبلىستارىندا تۇنگى اۋا تەمپەراتۋراسى -35…-41°س-قا دەيىن تومەندەۋى مۇمكىن. الماتى, جەتىسۋ جانە تالدىقورعان وڭىرلەرىندە دە -25°س-تان تومەن قاتتى اياز بولجانىپ وتىر.
اقمولا, سولتۇستىك قازاقستان, اتىراۋ, ماڭعىستاۋ, جامبىل جانە قىزىلوردا وبلىستارىندا قار, بوران, كوكتايعاق پەن تۇمان كۇتىلەدى, جەلدىڭ جىلدامدىعى 15-20 م/س-قا دەيىن جەتۋى ىقتيمال. تۇركىستان وبلىسىنىڭ تاۋلى ايماقتارىندا قالىڭ قار جاۋىپ, جولداردا كوكتايعاق بولۋى مۇمكىن.
ءىرى قالالاردا دا قولايسىز اۋا رايى كۇتىلەدى: شىمكەنت, تۇركىستان, تاراز, اقتاۋ, اتىراۋ جانە قىزىلوردادا تۇمان مەن كوكتايعاق, جەلدىڭ كۇشەيۋى بولجانعان.
اقتۇتەك بوران, سارشۇناق اياز: دەمالىس كۇندەرى ەلىمىزدە اۋا رايى قانداي بولادى؟
ماماندار تۇرعىنداردى الىس جولعا شىقپاۋعا, جولداعى قاۋىپسىزدىك شارالارىن ساقتاۋعا جانە اۋا رايى بولجامىن قاداعالاپ وتىرۋعا شاقىرادى.
پاۆلوداردا ۇسىك شالعاندار كوبەيدى: 24 ادام اۋرۋحاناعا ءتۇستى
