فوتو: اشىق دەرەككوز
Sky Sport DE باسىلىمىنىڭ حابارلاۋىنشا, «رەال مادريد» پرەزيدەنتى فلورەنتينو پەرەس «مانچەستەر ءسيتيدىڭ» شابۋىلشىسى ەرلينگ حولاندتىڭ ترانسفەرىن باستى ماقسات ەتىپ بەكىتتى. پەرەس نورۆەگيالىق شابۋىلشىنى كلۋبتىڭ قازىرگى داعدارىستان شىعاراتىن نەگىزگى تۇلعاسى رەتىندە كورەدى.
ايتا كەتەيىك, سوڭعى ەكى ويىندا «رەال» 2:3 ەسەبىمەن يسپانيا سۋپەركۋبوگىنىڭ فينالىندا «بارسەلونادان» جانە يسپانيا كۋبوگىنىڭ 1/8 فينالىندا ەكىنشى ديۆيزيوندا وينايتىن «الباسەتەدەن» جەڭىلگەن ەدى.
مادريدتىك كلۋب حولاندتى وسى جازدا-اق قۇرامعا قوسۋعا كۇش سالماق. قازىرگى ۋاقىتتا كلۋب فۋتبولشىنىڭ جاقىندارىمەن جانە ونىڭ اگەنتى رافاەلا پيمەنتامەن تىكەلەي بايلانىس ورناتقان. دەرەككوزدەردىڭ مالىمەتىنشە, حولاندتىڭ ءوزى دە يسپانياعا قىزىعۋشىلىق تانىتىپ وتىر جانە «رەالعا» اۋىسۋدى ءوز مانسابىنداعى شەشۋشى بەلەس دەپ سانايدى.
دەگەنمەن بۇل ترانسفەردى جۇزەگە اسىرۋ ۇلكەن قيىندىقتارمەن بايلانىستى. ەرلينگ حولاندتىڭ «مانچەستەر سيتيمەن» قازىرگى كەلىسىمشارتى 2034 جىلعا دەيىن جاسالعان, ءارى اعىلشىن كلۋبىنىڭ باسشىلىعى ءوز جۇلدىزىن جىبەرۋگە نيەتتى ەمەس.
ەرلينگ حولاند «مانچەستەر سيتي» ساپىنا 2022 جىلدىڭ جازىندا دورتمۋندتىڭ «بورۋسسياسىنان» 60 ملن ەۋروعا اۋىسقان بولاتىن. ول بيىلعى ماۋسىمدا وتكىزگەن 29 ماتچتا 26 گول سوعىپ, 4 ناتيجەلى پاس بەرىپ ۇلگەردى.
