فوتو: استانا قالاسىنىڭ اكىمدىگى
ءتيىستى شەشىم اۋا تەمپەراتۋراسى مەن جەل جىلدامدىعىن ەسكەرە وتىرىپ, جەرگىلىكتى ءبىلىم بولىمدەرى تاراپىنان قابىلداندى.
قوستاناي قالاسى
اۋا تەمپەراتۋراسى -28°C, جەلدىڭ جىلدامدىعى سەكۋندىنا 6 مەتر بولعان جاعدايدا مەكتەپالدى دايارلىق سىنىپتارىنىڭ (كپپ) جانە 1-11 سىنىپ وقۋشىلارىنىڭ ءبىرىنشى اۋىسىمى قاشىقتان وقىتۋعا كوشىرىلدى.
ۇزىنكول اۋدانى
اۋا تەمپەراتۋراسى -30-دان -33°C-قا دەيىن جەتتى. ءبىرىنشى اۋىسىمداعى مەكتەپكە دايارلىق سىنىبى مەن 1-11 سىنىپ وقۋشىلارى قاشىقتان وقيدى.
مەڭدىقارا اۋدانى
تەمپەراتۋرا -30…-31°C, جەل سەكۋندىنا 3-5 مەترگە دەيىن سوعادى. 1-11 سىنىپ وقۋشىلارى ونلاين فورماتتا وقۋعا اۋىستىرىلدى.
ارقالىق قالاسى
اۋا تەمپەراتۋراسى -25°C, جەل سەكۋندىنا 10 مەتر. ءبىرىنشى اۋىسىمدا وقيتىن 1-9 سىنىپ وقۋشىلارى قاشىقتان وقىتۋعا كوشىرىلدى.
رۋدنىي قالاسى
ءبىلىم ءبولىمىنىڭ مالىمەتىنشە, قولايسىز مەتەوجاعدايلارعا (–25°C, جەل 6 م/س) بايلانىستى 0-9 سىنىپ وقۋشىلارى قاشىقتان وقيدى.
اۋليەكول اۋدانى
تەمپەراتۋرا -25°C, جەل سەكۋندىنا 4 مەتر. 1-4 سىنىپ وقۋشىلارى ءبىرىنشى اۋىسىمدا قاشىقتان وقىتۋ فورماتىنا كوشىرىلدى.
ليساكوۆسك قالاسى
اۋا تەمپەراتۋراسى -26°C, جەل سەكۋندىنا 5 مەتر. ءبىرىنشى اۋىسىمداعى 1-6 سىنىپ وقۋشىلارى قاشىقتان ءبىلىم الادى.
قارابالىق اۋدانى
تەمپەراتۋرا -31°C, جەلدىڭ جىلدامدىعى سەكۋندىنا 11 مەتر. 1-11 سىنىپ وقۋشىلارى ءبىرىنشى اۋىسىمدا قاشىقتان وقىتۋ فورماتىنا اۋىستىرىلدى.
سونىمەن قاتار, قاراعاندى قالاسىنىڭ ءبىلىم ءبولىمى 2026 جىلعى 16 قاڭتاردا قولايسىز اۋا رايىنا بايلانىستى 0-11 سىنىپ وقۋشىلارىنىڭ ءبىرىنشى جانە ەكىنشى اۋىسىمداعى ساباقتارى قاشىقتان وقىتۋ فورماتىنا كوشىرىلەتىنىن حابارلادى.
كوكشەتاۋ قالاسىندا اۋا تەمپەراتۋراسىنىڭ -29°C-قا دەيىن تومەندەۋىنەن ءبىرىنشى اۋىسىمداعى 1-9 سىنىپ وقۋشىلارى ونلاين وقۋعا اۋىستىرىلدى.
بۇعان دەيىن ايازعا بايلانىستى ەلورداداعى مەكتەپ وقۋشىلارى مەن ستۋدەنتتەرى دە ونلاين وقىتۋ فورماتىنا كوشىرىلگەن بولاتىن.
