تۇركيانىڭ مادەنيەت جانە تۋريزم مينيسترلىگىنە قاراستى شەتەلدەگى تۇرىكتەر مەن ولارعا بايلانىستى قاۋىمداستىقتىڭ «Türkiye Bursları» شاكىرتاقىسىنىڭ ەكى مارتە جەڭىمپازى ن.بەكەن ەڭبەگىندە ەلىمىزدەگى ايەل جۋرناليستەردىڭ كاسىبي جولى, الەۋمەتتىك گەندەرلىك ءرولى سيپاتتالعان. سونداي-اق مەديا سالاسىنداعى گەندەرلىك وكىلدىككە ىقپال ەتەتىن فاكتورلارعا ەرەكشە نازار اۋدارىلعان. ەلىمىزدىڭ ءار وڭىرىندە قىزمەت اتقاراتىن 10 ايەل جۋرناليسپەن سۇحبات توپتاستىرىلعان. ولاردىڭ قىزمەتتىك ءوسۋى, جۇمىسقا قابىلداۋ كەزىندەگى كەدەرگىلەر, باسقارۋشى لاۋازىمدارعا قول جەتكىزۋ, جۇمىس پەن جەكە ءومىر اراسىنداعى تەپە-تەڭدىك, سونداي-اق ايەل جۋرناليستەر اراسىنداعى ىنتىماقتاستىق ماسەلەلەرى دە جان-جاقتى تالدانعان.
ء«ۇش جاسىمدا اكەم وندىرىستىك اپاتتان اۋىر جاراقات الدى. مۇگەدەكتىك ارباعا تاڭىلدى. ال ءۇيىمىزدىڭ بۇكىل اۋىرتپالىعىن انام كوتەردى. جالعىز ايەلدىڭ جاستىعىن, ارمانىن ءبىر شەتكە ىسىرىپ, ءۇش ادامنىڭ ءومىرىن ءبىر ارنادا ۇستاپ تۇرۋى مەنى قاتتى ويلاندىراتىن. ايەل ەڭبەگى مەن ءۇشىن ءدال وسى كورىنىستەن باستالدى. قيىن ساتكە تاپ بولعاندا, انام جيىرما بەس جاستا ەدى. مەن بولسام ءدال جيىرما بەس جاسىمدا وسى كىتاپتى جارىققا شىعاردىم», دەيدى كىتاپ اۆتورى جان سىرىن اقتارىپ.
ءوزىنىڭ ايتۋىنشا, كىتابىن پارىز رەتىندە جازعان ن.بەكەن اناسىنىڭ جانە سول سياقتى تاعدىرلاس ايەلدەردىڭ ەڭبەگىنە, سابىرىنا, جىگەرىنە دەگەن قۇرمەتتى بيىكتەتۋ, ولاردىڭ ءۇنى بولۋ ءۇشىن اتالعان ەڭبەگىن وقىرمانعا ۇسىنىپتى. «ومىردە كەيبىر سۇراقتار بار: ادام ولاردى اقىلىمەن عانا ەمەس, جۇرەگىمەن دە ىزدەيدى. مەن ءۇشىن «نەگە ايەل تاقىرىبى؟» دەگەن سۇراق ءدال سونداي ەدى. بۇل اكادەميالىق تاڭداۋ ەمەس, ءومىردىڭ وزىنەن تۋعان ۇندەۋ بولاتىن. بۇل – باستان كەشكەن ۇنسىزدىك, ءبىر ايەلدىڭ كۇرەسى جانە ءبىر قىز بالانىڭ كوزىمەن كورگەن ءومىرى», دەپتى اۆتور.
