وبلىستىق كاسىپكەرلىك جانە ساۋدا باسقارماسىنىڭ باسشىسى نۇرجىگىت مىرزاحمەتوۆتىڭ مالىمدەۋىنشە, قازىرگى تاڭدا باسقارما تاراپىنان «تۇركىستان» الەۋمەتتىك-كاسىپكەرلىك كورپوراتسياسى» اق-نىڭ ازىق-ت ۇلىكتى تۇراقتاندىرۋ قورى دەپارتامەنتىمەن بىرلەسە ءتيىستى جۇمىستار جۇرگىزىلۋدە. تۇراقتاندىرۋ قورىندا 22 مىڭ توننا ءونىم بار. قاجەتتىلىگىنە قاراي قورداعى تاۋارلاردى نارىققا شىعارىپ, باعانى تۇراقتاندىرۋ شارالارى دەر كەزىندە قابىلدانىپ جاتىر. سونىمەن قاتار قىس مەزگىلىندەگى ماۋسىمارالىق كەزەڭدە كوكونىس ونىمدەرىنە باعانى تەجەۋ ءۇشىن 12 340 تونناعا فورۆاردتىق كەلىسىمدەر جاسالىپ, جەلتوقسان ايىنان باستاپ نارىققا شىعارىلۋدا. ءوڭىر تۇرعىندارىن ارزانداتىلعان ازىق-ت ۇلىك ونىمدەرىمەن قامتاماسىز ەتۋ ءۇشىن تۇراقتى تۇردە جارمەڭكەلەر وتكىزىلىپ كەلەدى. بىلتىر 500-گە جۋىق جارمەڭكە وتكىزىلىپ, 10 مىڭ توننادان استام ءونىم تومەن باعادا ۇسىنىلدى.
سونىمەن قاتار وبلىستا 40 زاماناۋي الەۋمەتتىك دۇكەن قىزمەت كورسەتۋدە. بۇل دۇكەندەردە الەۋمەتتىك ازىق-ت ۇلىك تاۋارلارى نارىقتىق باعادان 30-40% تومەن ساۋدالانىپ وتىر. ودان بولەك, ارزانداتىلعان الەۋمەتتىك ازىق-ت ۇلىك تاۋارلارى 50-دەن اسا ءىرى ساۋدا ورىندارىنداعى الەۋمەتتىك بۇرىشتاردا ساتىلىپ جاتىر. باعانىڭ نەگىزسىز ءوسۋىن بولدىرماۋ ماقساتىندا 20 جۇمىس توبى تۇراقتى تۇردە مونيتورينگ جۇرگىزۋدە.
ايتا كەتەلىك, باسقارمانىڭ مالىمەتىنە قاراعاندا, وبلىستا الەۋمەتتىك ماڭىزى بار ازىق-ت ۇلىك تاۋارلارىنا باعا يندەكسى تۇراقتى دەڭگەيدە ساقتالىپ, 2025 جىلدىڭ قورتىندىسىمەن 107,2%-دى قۇراعان.
ققس ءوسىمى الەۋمەتتىك ماڭىزى بار ازىق-ت ۇلىك باعاسىنا اسەر ەتتى مە؟
تۇركىستان وبلىسى
