الدىن الا مالىمەت بويىنشا, كۇدىكتىلەر سوڭعى التى ايدا الداۋ, قورقىتۋ جانە كۇش قولدانۋ ارقىلى الەۋمەتتىك وسال ساناتتاعى بىرنەشە جابىرلەنۋشىدەن 10 ميلليون تەڭگەدەن استام قاراجاتتى يەمدەنگەن. ولاردى ارنايى شوتتاردان اقشا شەشۋگە, سونداي-اق ميكروقارجى ۇيىمدارىندا نەسيە راسىمدەۋگە ماجبۇرلەگەن. بۇل تۋرالى وبلىستىق پوليتسيا دەپارتامەنتىنىڭ ءباسپاسوز قىزمەتى مالىمدەدى.
جەدەل ءىس-شارالار بارىسىندا وڭىردەگى بالالارعا ارنالعان مەكەمەلەردىڭ ءبىرىنىڭ تاربيەلەنۋشىلەرى قىلمىسكەرلەردىڭ قۇربانى بولعانى انىقتالدى. جۇرگىزىلگەن جەدەل-ىزدەستىرۋ ءىس-شارالارى ناتيجەسىندە كۇدىكتىلەردەن اۆتوماتتى اتىس قارۋىنا ارنالعان وقجاتارلار جانە جۇزدەن استام وق-ءدارى تاركىلەندى.
اتالعان دەرەك بويىنشا بوپسالاۋ بەلگىلەرىمەن سوتقا دەيىنگى تەرگەپ-تەكسەرۋ باستالدى. بارلىق كۇدىكتى ۇستالدى. ولارعا 10 جىلعا دەيىن باس بوستاندىعىنان ايىرۋ جازاسى تاعايىندالۋى مۇمكىن. پوليتسيا ولاردىڭ باسقا دا وسىعان ۇقساس قىلمىستارعا قاتىستىلىعىن انىقتاۋ بويىنشا جۇمىستى جالعاستىرىپ جاتىر.
8 جاستاعى قىزدى ۇرىپ-سوققان: جامبىل وبلىسىندا بۋللينگ پەن بوپسالاۋ ازايماي تۇر
