فوتو: istockphoto.com
Energy Monitor ارناسىنىڭ مالىمەتىنشە, تەڭىز كەن ورنىندا ءوندىرىس جەلتوقسان ايىنداعى كورسەتكىشتەن ورتا ەسەپپەن 51%-عا, قاشاعاندا 60%-عا, ال قاراشىعاناقتا 44%-عا ازايعان. ەل بويىنشا مۇناي ءوندىرۋدىڭ ورتاشا دەڭگەيى 2025 جىلدىڭ جەلتوقسانىمەن سالىستىرعاندا 35%-عا تومەندەدى. بۇل كورسەتكىش جازعى ەڭ جوعارى ماندەردەن 45%-عا از.
قازاقستاننىڭ مۇنايىن تاسىمالدايتىن تانكەرلەر شابۋىلعا ۇشىرادى
ايتا كەتەيىك, 2025 جىلدىڭ قورىتىندىسى بويىنشا مۇناي ءوندىرىسى جوسپارلانعان 96,2 ملن توننانىڭ ورنىنا 99,6 ملن توننانى قۇراپ, جوسپار ارتىعىمەن ورىندالعان بولاتىن.
الايدا 2026 جىلدىڭ قاڭتار ايىندا كقك ارقىلى مۇناي ەكسپورتىنىڭ كولەمى كەستەدەن 70%-عا قالىپ قويدى. Reuters اگەنتتىگىنىڭ اقپاراتى بويىنشا, بۇعان تەڭىزدەگى ءجيى داۋىل مەن تەك ءبىر عانا ايلاقتىق قوندىرعىنىڭ (ۆپۋ) جۇمىس ىستەۋى سەبەپ بولعان. سالدارىنان قاڭتاردا تانكەرلەرگە مۇناي تيەۋ كولەمى جوسپارداعى 1,65 ملن ب/س ورنىنا ورتا ەسەپپەن نەبارى 500 مىڭ باررەلدى قۇراپ وتىر.
ەستەرىڭىزگە سالا كەتەيىك, 29 قاراشادا استانا ۋاقىتىمەن 06:06-دا نوۆوروسسيسك پورتى اۋدانىندا كقك-نىڭ تەڭىز ينفراقۇرىلىم نىساندارىنا ەكيپاجسىز ءجۇزۋ قۇرالدارى ارقىلى شابۋىل جاسالعان ەدى.
