سۇرانىسقا نەگىزدەلگەن مۇنداي ديناميكالىق باعا بەلگىلەۋ قۇرالى الەمنىڭ باسقا كۋرورتتارىندا دا بار. ويتكەنى, Regular Season ارقىلى كەلۋشىلەر لەگى رەتتەپ, ينفراقۇرىلىمعا تۇسەتىن سالماقتى ازايتۋعا بولادى. ءوز كەزەگىندە بۇل قىزمەت كورسەتۋ ساپاسىن تومەندەتپەستەن, باعا ساياساتىن قايتا قاراۋعا, تيىمدىرەك شارتتار ۇسىنۋعا مۇمكىندىك بەرەدى.
ء«بىز ءۇشىن باعا ساياساتىنىڭ قوناقتارعا تۇسىنىكتى ءارى الدىن الا جوسپارلاۋعا ىڭعايلى بولعانى كەرەك. سوندىقتان ماۋسىمدىق, ديناميكالىق باعا بەلگىلەۋ ارقىلى كەلۋشىلەر لەگىن رەتتەپ قانا قويماي, تاڭداۋ مۇمكىندىگىن بەرەمىز. بىرەۋلەر مەرەكەلىك قاربالاستى ۇناتسا, ەندى بىرەۋلەر سىرعاناۋ ءۇشىن جايلى, ارزانداي, تىنىش مەزگىلدى ۋاقىتتى تاڭداي الادى. سوندىقتان ماۋسىمداردى High Season, Regular Season دەپ, جانە جىلىنا ەكى رەت كەلەتىنLow Season-عا ءبولۋ وسى ماقساتتا قاراستىرىلعان», دەيدى Shymbulak تاۋ كۋرورتىنىڭ كليەنتتىك سەرۆيس جانە ساپانى باقىلاۋ دەپارتامەنتىنىڭ باسشىسى ولگا بەلياەۆا.
ماسەلەن, Regular Season باستالعاندا سكي-پاسستار باعاسى ورتا ەسەپپەن 13%-عا تومەندەيدى. سونىمەن قاتار, High Season كەزىندە جەڭىلدىك باعدارلامالارى قايتا قوسىلادى. جۇمىس كۇندەرى جاسى كەلگەندە زەينەتكە شىققاندار (تەك قازاقستان رەسپۋبليكاسىنىڭ ازاماتتارى ءۇشىن) مەن مۇگەدەكتىگى بارلار راستاۋشى قۇجاتتارىن كورسەتكەن جاعدايدا كۋرورتقا تەگىن كىرە الادى. كوپبالالى وتباسىلار, ارداگەرلەر, ەڭبەك ءوتىلى بويىنشا زەينەتكە شىققاندار مەن باسقا دا الەۋمەتتىك وسال توپ وكىلدەرى جۇمىس كۇندەرى بيلەتتەر مەن سكي-پاسستاردى جەڭىلدىكپەن الا الادى.
شىمبۇلاقتاعى مەيرامحانادا بولعان جانجالعا الماتى پوليتسياسى تۇسىنىكتەمە بەردى
ال بەس جاسقا دەيىنگى بالالارعا كۋرورتقا كىرۋ كەز كەلگەن كۇنى جانە كەز كەلگەن ماۋسىمدا تەگىن, ول ءۇشىن تەك كاسسادان سكي-پاسس كارتاسىن ساتىپ الىپ, وعان نولدىك ابونەمەنت جۇكتەۋ جەتكىلىكتى.
«Regular Season كەزىندە جەڭىلدىك باعدارلامالارىنىڭ قايتا قوسىلۋى – تاۋ دەمالىسىن قاربالاس ماۋسىمنان باسقا كەزدە جۇرتتىڭ بارىنە قولجەتىمدى بولۋىن كوزدەيدى. بىراق بيىلعى 1-11 قاڭتار ارالىعىنداعى High Season كەزىندە ءبىز كوپبالالى وتباسىلار ءۇشىن جەڭىلدىك ءتاريفىن ساقتاپ قالدىق. جىل سايىن Shymbulak الەۋمەتتىك وسال توپقا جاتاتىن 190 مىڭعا جۋىق قوناق قابىلداسا, بۇل شامامەن جالپى شىمبۇلاققا شىققانداردىڭ – 20%-ى», دەيدى قوناقتارعا قامقورلىق كورسەتۋ قىزمەتىنىڭ باسشىسى تەمىرلان ءجۇسىپ.
سونىمەن Regular Season اياقتالعان سوڭ Low Season باستالادى. بۇل كەزدە باعالار بۇرىنعىدان دا تومەن بولادى. Shymbulak-تا تەك تولىق كۇنگە عانا ەمەس, سونىمەن قاتار تاڭعى, تۇستەن كەيىنگى جانە تۇنگى تاريفتەر دە قاراستىرىلعان. بۇل بيلەتتەر ستاندارتتى كۇندىزگى سكي-پاسسقا قاراعاندا ارزان ءارى دەمالىستى ۋاقىتىڭ پەن فيزيكالىق مۇمكىندىگىڭە قاراي ىڭعايلى جوسپارلاۋعا كومەكتەسەدى.
ال شاڭعى مەن سنوۋبوردتى ەندى ۇيرەنىپ جۇرگەندەر ءۇشىن Shymbulak-تىڭ ارنايى «باستاۋشى» ءتاريفى بار. ول ەرەسەكتەر مەن بالالاردىڭ العاشقى وقۋ بەتكەيلەرىندە سىرعاناۋىنا ارنالعان. بۇل تاريف بويىنشا تراسسالار سانى شەكتەۋلى, بىراق باعاسى ستاندارتتى سكي-پاسستان الدەقايدا ارزان.
الماتى
