فوتو: اقوردا
داۋرەن قوسانوۆ مەملەكەت باسشىسىنا ارميانىڭ جاۋىنگەرلىك ازىرلىگى جانە قارۋلى كۇشتەردى دامىتۋدىڭ باسىمدىقتارى جونىندە مالىمەت بەرىپ, تسيفرلىق تەحنولوگيالاردى ەنگىزۋ, اسكەري-پاتريوتتىق تاربيە جۇمىستارى, سونداي-اق قورعانىس ينفراقۇرىلىمىن جەتىلدىرۋ شارالارى تۋرالى باياندادى.
سونداي-اق قورعانىس ءمينيسترى پرەزيدەنتتىڭ قارۋلى كۇشتەر ساپىندا ءتارتىپ ورناتۋ جونىندەگى تاپسىرماسىنىڭ ورىندالۋ بارىسى جايىندا اقپارات ۇسىندى.
جوعارعى باس قولباسشى مينيسترگە ارميانىڭ جاۋىنگەرلىك ازىرلىك دەڭگەيىن ارتتىرۋ, اسكەري جانە قۇقىقتىق ءتارتىپتى كۇشەيتۋ جونىندە ناقتى مىندەتتەر جۇكتەدى.
ايتا كەتەيىك, كۇنى كەشە پرەزيدەنت قارجىلىق مونيتورينگ اگەنتتىگىنىڭ توراعاسىن قابىلدادى.
