فوتو: اشىق دەرەككوز
Forbes دەرەكتەرىنە سۇيەنگەن 2026 جىلعى ينفوگرافيكاعا سايكەس, الەمدەگى ەڭ باي ادام رەتىندە يلون ماسك تىركەلدى. ونىڭ داۋلەتى 714,2 ملرد دوللاردى قۇراپ, تاريحتا العاش رەت ءبىر ادام 700 ملرد دوللار مەجەسىنەن استى. 2020 جىلى الەمدەگى ەڭ باي ادام دجەفف بەزوس ەدى, ول كەزدە ونىڭ بايلىعى 145 ملرد دوللار بولعان. قازىر ماسكتىڭ كاپيتالى سول كورسەتكىشتەن بەس ەسە جوعارى.
يلون ماسكتىڭ بايلىعى التى جىل ىشىندە شامامەن وتىز ەسە ءوستى. ونىڭ نەگىزگى تابىس كوزدەرىنىڭ ءبىرى SpaceX كومپانياسىنداعى ۇلەسى. بۇل پاكەتتىڭ قازىرگى قۇنى 366 ملرد دوللارعا باعالانىپ وتىر. كومپانيانىڭ نارىقتىق باعاسى قازىردىڭ وزىندە 800 ملرد دوللار شاماسىندا. ەگەر 2026 جىلى SpaceX اكتسيالارىن بيرجاعا شىعارۋ جۇزەگە اسسا, كاپيتاليزاتسياسى 1,5 ترلن دوللارعا دەيىن ءوسۋى مۇمكىن.
ەكىنشى ورىندا Google كومپانياسىنىڭ نەگىزىن قالاۋشى لارري پەيدج تۇر. ونىڭ بايلىعى 257,7 ملرد دوللارعا جەتكەن. 2025 جىلى Alphabet اكتسيالارى 63 پايىزعا قىمباتتاپ, پەيدجدىڭ جەكە كاپيتالى ايتارلىقتاي ارتقان.
Nvidia كومپانياسىنىڭ باس ديرەكتورى دجەنسەن حۋانگ 162,5 ملرد دوللارمەن الەمدەگى سەگىزىنشى ورىنعا جايعاسقان. سوڭعى جەتى جىلدا Nvidia اكتسيالارى 4 200 پايىزدان استام ءوسىپ, حۋانگتى ەڭ جىلدام بايىعان ميللياردەرلەردىڭ قاتارىنا قوستى.
ال بيلل گەيتستىڭ جاعدايى وزگەشە. 2020 جىلى ول الەمدەگى ەكىنشى ەڭ باي ادام بولعان. قازىر 18-ورىنعا ءتۇستى. ونىڭ بايلىعى وسى كەزەڭدە كوپ وزگەرگەن جوق. بۇعان گەيتستىڭ ونداعان ميلليارد دوللاردى بيلل مەن مەليندا گەيتس قورى ارقىلى قايىرىمدىلىققا باعىتتاۋى سەبەپ بولدى.
