فوتو: pixabay.com
التىن باعاسى قايتادان رەكوردتىق دەڭگەيگە جەتتى. ۇلتتىق بانكتىڭ مالىمەتىنە سايكەس, 2026 جىلعى 13 قاڭتارداعى رەسمي باعام بويىنشا التىننىڭ 1 گرامى 75 200,37 تەڭگە بولدى.
بۇل 2025 جىلعى 20 قاراشا كۇنگى رەكوردتان 0,53% جوعارى, ول كەزدە التىننىڭ 1 گرامى 74 804,83 تەڭگە ەدى. سول ۋاقىتتان باستاپ التىن باعاسى كەيدە تومەندەدى, كەيدە ءوستى, بىراق رەكوردتىق دەڭگەيگە جەتكەن جوق.
كۇن ىشىندە التىن باعاسى 2,59% (1 895,26 تەڭگە) ءوستى. ال 2025 جىلعى 13 قاڭتارمەن سالىستىرعاندا ءوسىم 65,7%-دى (29 817,63 تەڭگە) قۇرادى.
Investing.com دەرەكتەرى بويىنشا, قازىرگى كەزدە الەمدىك نارىقتا التىننىڭ باعاسى تروي ۋنتسياسىنا 4 599,11 دوللار (شامامەن 31 گرامم), ياعني قازىرگى كۋرس بويىنشا 2 346 228 تەڭگە, ال بولاشاقتا بۇل باعا 6 000 دوللاردان اسىپ كەتۋى مۇمكىن.
سونىمەن قاتار, قازاقستاندا اسىل تاستار مەن زەرگەرلىك بۇيىمداردىڭ باعاسى دا وسكەنى بەلگىلى بولدى.
التىن زەرگەرلىك بۇيىمدارعا سەنىمدى بالاما رەتىندە ەل ازاماتتارى 5-تەن 100 گرامعا دەيىنگى التىن قۇيماسىن ساتىپ الا الادى. سونداي-اق كەيىننەن ناقتى التىنعا ايىرباستاۋعا بولاتىن تسيفرلىق التىندى ساتىپ الۋ مۇمكىندىگى بار.
