ۇزدىكتەر انىقتالدى

«قانسونار» رەسپۋبليكالىق اڭشىلار قوعام­دىق بىرلەستىكتەرى مەن اڭشىلىق سۋبەكتىلەرى قاۋىمداستىعى ۇزدىك تابيعات قولدانۋشىلارىن تاڭداپ الدى. قازاقستاننىڭ تابيعات قولدانۋشىلارى ەستە جوق ەسكى زاماننان بەرى جانۋارلار الەمىن قورعاۋ جولىندا كوپتەگەن ادىستەردى ويلاپ تاپقان. اڭشىلىق شارۋاشىلىقتارى بۇگىندە تابيعاتتى تانۋ مەن ونى قولداپ, ساقتاۋدىڭ مەكتەبى بولىپ قانا تابىلماي, تابيعات اياسىندا بەلسەندى تۇردە دەمالعىسى كەلەتىن ادامداردىڭ باس قوساتىن ورنى دا بولىپ وتىر. «قانسونار» رەسپۋبليكالىق اڭشىلار قوعامدىق بىرلەستىكتەرى مەن اڭشىلىق سۋب­ەك­­تىلەرى قاۋىمداستىعى اڭشىلىق شارۋا­شىلىقتارىنىڭ جۇمىسىن ودان ءارى جەتىلدىرە ءتۇسۋ ماقساتىندا «ۇزدىك تابيعات قولدانۋشىسى» رەسپۋبليكالىق كونكۋرسىن ۇيىمداستىردى. بۇل كونكۋرس وسى سالاداعى جۇمىستى ودان ءارى جاڭارتا تۇسۋگە دەگەن ىنتانى ارتتىرا تۇسەدى دەپ كۇتىلۋدە. كونكۋرس جەڭىمپازدارىن ماراپاتتاۋ كەشە «نۇر وتان» پارتياسى ورتالىق اپپاراتىنىڭ عيماراتىندا ءوتتى. جەڭىمپازداردى را قب مەن اسا باسقارما توراعاسى ورالباي ابدىكارىموۆ ماراپاتتادى. تابيعات قولدانۋشىلارى اراسىنداعى كونكۋرس جەڭىمپازدارىن ەرەجەگە ساي ارنايى قۇرىلعان كونكۋرستىق كوميسسيا انىقتادى. وعان «قانسونار» قاۋىمداستىعى ماماندارىنان بولەك, باسقا سالا وكىلدەرى كىردى. اتاپ ايتار بولساق, «قازاڭشىبالىقوداعى» زتب ديرەكتورى مەن س.سەيفۋللين اتىنداعى قازاق اگروتەحنيكالىق ۋنيۆەرسيتەتى «اڭشىلىق جانە بالىق شارۋاشىلىعى» كافەدراسىنىڭ وقىتۋشىسى نيكولاي پروسكۋرين  كوميسسيا مۇشەسى بولدى. كونكۋرستا ءبىرىنشى ورىنعا «قوستاناي وبلىستىق اڭشىلار مەن بالىقشىلار قوعامى» قب يە بولدى. ەكىنشى ورىن «تەمىرتاۋ قالالىق اڭشىلار مەن بالىقشىلار قوعامى» قب-نىڭ ۇلەسىنە ءتيدى.  ال ءۇشىنشى ورىندى «سولتۇستىك قازاقستان وبلىستىق اڭشىلار مەن بالىقشىلار قوعامى» قب مەن «VIP Safari Service» جشس ءوزارا ءبولىستى. كونكۋرستىڭ جۇلدە قورىنا كەلەر بولساق, كەلەسىدەگىدەي سومانى قامتىدى: I ورىنعا – بەس ءجۇز مىڭ تەڭگەنىڭ, قۇندى سىيلىعى مەن «قانسونار» قاۋىمداستىعى «ۇزدىك تابيعات پايدالانۋشىسى» كۋبوگى; II ورىنعا – ءۇش ءجۇز مىڭ تەڭگەنىڭ, قۇندى سىيلىعى; III ورىنعا ء–جۇز مىڭ تەڭگەنىڭ قۇندى سىيلىعى. «ەگەمەن-اقپارات».