فوتو: اقتوبە وبلىسىنىڭ اكىمدىگى
جەدەل جاردەمگە شاقىرتۋ تۇسكەن كەزدە جۇيە اۆتوماتتى تۇردە ياندەكس Go قوسىمشاسىنان push-حابارلاما جىبەرەدى. ال مەديتسينا ماماندارى قاي جەردە كەلە جاتقانىن, قانشا ۋاقىتتان كەيىن كەلەتىنىن كورسەتەدى.
Yandex Qazaqstan باسشىسى تيمۋر شالەكەنوۆتىڭ ايتۋىنشا, بۇل اقپاراتتى تۋىسىڭىزعا تىكەلەي قوسىمشادان جىبەرۋگە بولادى. ەگەر قوسىمشا ورناتىلماعان بولسا, ءوتىنىش بەرۋشىنىڭ تەلەفونىنا كارتاعا كىرەتىن سىلتەمەسى بار SMS-حابارلاما كەلەدى. كارتانى براۋزەردەن اشقان كەزدە, پايدالانۋشى جەدەل جاردەمنىڭ قوزعالىسىن ناقتى ۋاقىت رەجيمىندە كورە الادى.
جەدەل جاردەم قىزمەتكەرلەرى جاپپاي بەينەتىركەگىشپەن قامتىلادى
ايتا كەتەيىك, بۇل باستاما اقتوبە اكىمدىگىمەن جانە دەنساۋلىق ساقتاۋ مينيسترلىگىمەن بىرلەسىپ ىسكە اسىرىلعان. العاشقى كەزەڭدە مۇمكىندىك اقتوبەدەگى تەك بەلگىلى ءبىر شاقىرتۋلارعا عانا قولجەتىمدى. الداعى ۋاقىتتا ونى قالا بويىنشا بارلىق شاقىرتۋعا ەنگىزۋ جوسپارلانىپ وتىر.
ايتا كەتەيىك, بىلتىر جەدەل جاردەم قىزمەتى 7,4 ملن-نان استام شاقىرتۋعا قىزمەت كورسەتكەن.
سونداي-اق ۇكىمەتتە جەدەل جاردەم قىزمەتكەرلەرىنىڭ جالاقىسىن كوتەرۋ ماسەلەسى پىسىقتالىپ جاتىر.
