فوتو: استانا قالاسى اكىمدىگى
استانادا ينفراقۇرىلىمدى دامىتۋ ماقساتىندا تىرشىلىكتى قامتاماسىز ەتۋ نىساندارى قارقىندى سالىنىپ جاتىر. بۇعان دەيىن ۇشىنشى اۋىز سۋ ستانتسياسى (سسس-3), گازبەن جۇمىس ىستەيتىن جىلىتۋ قوندىرعىلارى, ەلەكترلى قوسالقى ستانتسياسى سالىنىپ, پايدالانۋعا بەرىلگەن. جاڭا جىلۋ كوزدەرىن ىسكە قوسۋ قالاداعى جىلۋ جۇيەسىنىڭ قۋاتىن 34%-عا ارتتىرعان.
«قازىرگى جىلىتۋ ماۋسىمى قالىپتى رەجيمدە ءوتىپ جاتىر. مىسالى, اۋا تەمپەراتۋراسى -20°س بولعان جاعدايدا جىلۋ ءپروفيتسيتى شامامەن 1500 گكال/ساع قۇرايدى. جىلۋ قۋاتىن ساقتاۋ ماقساتىندا 710 مۆت قۋاتتى جاڭا «تەلمان» گاز جىلۋ ستانتسياسىن سالىپ جاتىرمىز. جوبانىڭ جۇزەگە اسىرىلۋى ناتيجەسىندە «باعىستان» تۇرعىن ءۇي كەشەنى, تەلمان ەلدى مەكەنى جانە ۇلى دالا داڭعىلى اۋداندارى ورتالىقتاندىرىلعان جىلۋمەن قامتاماسىز ەتىلەدى. تابيعي گازدىڭ پايدالانىلۋى ەكولوگيالىق جاعدايدى جاقسارتىپ, تەلمان اۋدانىنداعى اۋانىڭ لاستانۋ دەڭگەيىن تومەندەتەدى», دەپ جازدى جەڭىس قاسىمبەك.
بيبىگۇل جەكسەنباي: استانانىڭ باس جوسپارىندا تۇرعىنداردىڭ پىكىرى ەسكەرىلۋ كەرەك
بۇگىندە قالاداعى جەو–2-ءنى كەڭەيتۋ بويىنشا دايىندىق باستالىپ, جەو–3-ءتىڭ ەكىنشى كەزەگىن جوبالاۋ جۇمىسى ءجۇرىپ جاتىر.
بۇعان دەيىن قالا اكىمدىگى استانا تۇرعىندارىنان اۋلالارىن جاڭارتۋعا ءوتىنىم قابىلداۋ باستالعانىن حابارلاعان.
ەسكە سالايىق, الداعى دەمالىس كۇندەرى استانادا اۋىل شارۋاشىلىعى جارمەڭكەسى وتەدى.
