بۇل جادىگەردى اتالعان مۋزەيگە مۇستافا شوقايدىڭ تۋىسى گۇلبارشىن زايروۆا بەرگەن. جادىگەردىڭ تاريحى تەرەڭدە. ۇزاق جىلدار بويى وتباسىلىق فوتو-البوم مۇستافا شوقايدىڭ كومەگىمەن تۇتقىننان امان قالىپ, ماريا شوقايدىڭ رۋحاني پەرزەنتى بولعان بەلگىلى سكريپكاشى ءالىم الماتتىڭ (عالىمجان ءابسالياموۆ) قولىندا ساقتالىپ كەلگەن. كەيىننەن ول بۇل مۇرانى مۇستافاتانۋشى باقىت سادىقوۆاعا اماناتتاعان, ال زەرتتەۋشى ءوز كەزەگىندە جادىگەردى گۇلبارشىن زايروۆاعا تاپسىرعان ەكەن.
«بۇل جادىگەر سوعىس جىلدارى تۇتقىندا بولىپ, مۇستافا شوقايدىڭ ارقاسىندا امان قالعان, ماريام انامىزدى سوعىستان سوڭ پانالاپ, رۋحاني پەرزەنتىنە اينالعان سكريپكاشى ءالىم الماتتىڭ (عالىمجان تىلەۋقابىل) قولىندا كوپ جىلدار ساقتالعان. ەلىمىز تاۋەلسىزدىك العاننان كەيىن ءالىم المات ەلگە كەلىپ, مۇستافانىڭ جازۋ ماشينكاسىن, «ياش تۇركىستان» گازەتى تۇسىندا قولدانعان ءۇش ءتۇرلى ءمورىن, ۇيلەنۋ پورترەتى مەن البومدى مۇستافاتانۋشى باقىت سادىقوۆا اپامىزعا اماناتتاعان. 2022 جىلى وسى البوم ماعان سەنىپ تاپسىرىلدى. ال 2025 جىلدىڭ 25 جەلتوقسانىندا, مۇستافا شوقايدىڭ 135 جىلدىعىندا, استانا قالاسىنداعى ۇلتتىق مۋزەيدە ءوز ورنىن تاپتى. تاريحقا قۇرمەت – بولاشاققا امانات», دەپ جازدى گۇلبارشىن زايروۆا.
