قازاقستاندا دەنساۋلىق ساقتاۋدىڭ بىرىڭعاي تسيفرلىق كونتۋرىن قالىپتاستىرۋ جۇمىستارى جالعاسۋدا. بۇگىندە بىرىڭعاي جۇيەدە 21,3 مىڭ مەديتسينالىق ۇيىم, 275 مىڭ مەديتسينا قىزمەتكەرى جانە 141 مىڭنان استام مەديتسينالىق تەحنيكا بىرلىگى تۋرالى دەرەكتەر جيناقتالعان. بۇل تۋرالى دەنساۋلىق ساقتاۋ مينيسترلىگىنە قاراستى رەسپۋبليكالىق ەلەكتروندىق دەنساۋلىق ساقتاۋ ورتالىعىنىڭ باس ديرەكتورى نۇرشات سارىبەك دەنساۋلىق ساقتاۋ مينيسترلىگىنىڭ القا وتىرىسىندا مالىمدەدى.
ء«بىز بىتىراڭقى اۆتوماتتاندىرۋ كەزەڭىنەن دەنساۋلىق ساقتاۋدىڭ بىرىڭعاي تسيفرلىق ەكوجۇيەسىن قۇرۋعا كوشتىك. بۇگىندە سالانى باسقارۋ قاعيداتتارىن تۇبەگەيلى وزگەرتەتىن اسا ماڭىزدى پلاتفورمالاردىڭ ەنگىزىلۋ ناتيجەلەرىن كورىپ وتىرمىز», - دەدى نۇرشات سارىبەك.
1س جۇيەلەرىمەن جانە كادرلىق تىزىلىمدەرمەن جۇرگىزىلگەن تسيفرلىق ينتەگراتسيانىڭ ناتيجەسىندە دەرەكتەردى قولمەن ەنگىزۋ ۇلەسى 0%-عا دەيىن تومەندەپ, مەديتسينا قىزمەتكەرلەرىنە تۇسەتىن اكىمشىلىك جۇكتەمە 30-40%-عا قىسقاردى.
ء«بىز 21 300-دەن استام مەديتسينالىق ۇيىم مەن 275 000 قىزمەتكەر تۋرالى اقپاراتتى بىرىڭعاي كونتۋرعا بىرىكتىرۋ ارقىلى دەرەكتەردىڭ شاشىراڭقىلىعىن جويدىق», – دەپ اتاپ ءوتتى نۇرشات سارىبەك.
دەنساۋلىق ساقتاۋدى تسيفرلاندىرۋدىڭ نەگىزگى باعىتتارىنىڭ ءبىرى ايەلدەر مەن بالالاردىڭ دەنساۋلىعىن مونيتورينگىلەۋ جۇيەسى بولدى. قازىرگى ۋاقىتتا تسيفرلىق بەيىنمەن 6,8 ملن بالا مەن 4,8 ملن ايەل قامتىلعان, ال مونيتورينگ 80 ماڭىزدى كورسەتكىش بويىنشا جۇرگىزىلەدى. جۇكتى ايەلدىڭ ايىرباستاۋ كارتاسى ەندى eGov Mobile قوسىمشاسى ارقىلى قولجەتىمدى.
سونداي-اق پاتسيەنتتەردى ديناميكالىق باقىلاۋدىڭ جاڭا فورماتى ەنگىزىلۋدە. بۇگىندە تسيفرلىق مونيتورينگ اياسىندا 3,6 ملن ادام قامتىلعان. «تسيفرلىق باقىلاۋ كارتاسى» دارىگەرگە پاتسيەنتتىڭ قاي وڭىردە جۇگىنگەنىنە قاراماستان, ونىڭ ەمدەۋگە جاتقىزىلۋ تاريحىن, تاعايىنداۋلارىن جانە رەتسەپتتەرىن كورۋگە مۇمكىندىك بەرەدى.
امبۋلاتوريالىق ءدارى-دارمەكپەن قامتاماسىز ەتۋ سالاسىندا دارىلىك زاتتاردى دەربەستەندىرىلگەن جوسپارلاۋ جۇيەسى ەنگىزىلدى. قازىرگى تاڭدا ول 1,9 ملن پاتسيەنت پەن 683 مەديتسينالىق ۇيىمدى قامتيدى. 2026 جىلعا ارنالعان جوسپارلاۋ كولەمى 330,9 ملرد تەڭگەنى قۇرادى. تاڭبالاۋ كودتارىنىڭ ەنگىزىلۋى دارىلىك پرەپاراتتاردىڭ قالدىقتارىن ونلاين باقىلاۋعا جانە ولاردىڭ قوزعالىسىن تولىق قاداعالاۋعا مۇمكىندىك بەردى.
ء«بىز دارىلىك زاتتاردى جوسپارلاۋدىڭ تۇبەگەيلى جاڭا مودەلىن ىسكە قوستىق – ەندى جوسپارلاۋ ورتاشا نورماتيۆتەرگە ەمەس, ناقتى پاتسيەنتتىڭ قاجەتتىلىگىنە نەگىزدەلەدى», – دەدى رەسپۋبليكالىق ورتالىق باسشىسى.
تسيفرلىق ترانسفورماتسيانىڭ كەلەسى كەزەڭى دارىگەرلەردى بىرىڭعاي ينتەرفەيسپەن جانە جاساندى ينتەللەكت كومەكشىسىمەن قامتاماسىز ەتەتىن بىرىڭعاي مەملەكەتتىك مەديتسينالىق اقپاراتتىق جۇيەنى (بمماج) ىسكە قوسۋ بولماق. جوبانىڭ شەڭبەرىندە 1 900-دەن استام مەديتسينالىق ۇيىمدى قوسۋ جانە جەكەمەنشىك مەديتسينالىق اقپاراتتىق جۇيەلەردەن بىرىڭعاي مەملەكەتتىك پلاتفورماعا كەزەڭ-كەزەڭىمەن كوشۋ جوسپارلانۋدا.
دەنساۋلىق ساقتاۋ ءمينيسترى اقمارال ءالنازاروۆا وڭىرلەرگە جۇيەلەردى ارحيۆتىك دەرەكتەرمەن قىسقا مەرزىمدە تولىقتىرۋدى, سونداي-اق بىرىڭعاي دەرەكتەر قويماسى مەن پەرسپەكتيۆالىق جۇيەلەردەگى مالىمەتتەردى تۇراقتى پايدالانۋ مەن وزەكتەندىرۋدى قامتاماسىز ەتۋدى تاپسىردى.
سونىمەن قاتار ۆەدومستۆو باسشىسى «ربج» اقپاراتتىق جۇيەسىندەگى جىلجىمايتىن م ۇلىك نىساندارى تۋرالى مالىمەتتەردىڭ تولىق وزەكتىلىگى مەن دۇرىستىعىن قامتاماسىز ەتۋ, ەڭبەك رەسۋرستارى تەڭگەرىمىن وبەكتيۆتى قالىپتاستىرۋ ءۇشىن كادرلىق دەرەكتەردى ۆەريفيكاتسيالاۋ, سونداي-اق قارجىلىق جانە سالالىق اقپاراتتىق جۇيەلەردىڭ اراسىنداعى دەرەكتەردى سينحرونداۋدى اياقتاۋ قاجەتتىگىن اتاپ ءوتتى.
مەديتسينالىق كومەكتىڭ ساپاسى مەن قاۋىپسىزدىگى ماسەلەلەرىنە ەرەكشە نازار اۋدارۋ تاپسىرىلدى. وسىعان بايلانىستى مەديتسينالىق قىزمەتكە پەرسونالدى جىبەرۋ تارتىبىنە باقىلاۋدى كۇشەيتۋ جۇكتەلدى.
