بەلگىلى بولعانداي, وتباسىنىڭ ءبىر مۇشەسى اي سايىن بارلىق تابىسىن ەكىنشىسىنە اۋدارسا دا, مۇنداي وپەراتسيالار جاسىرىن بيزنەستىڭ بەلگىسى بولىپ سانالمايدى. مەملەكەتتىك كىرىس كوميتەتى وكىلىنىڭ مالىمەتىنشە, سالىق قىزمەتى وتباسى ىشىندەگى اۋدارىمداردىڭ كولەمىن شەكتەمەيدى.
«مۇنداي جاعدايدا ءسىز جۇبايىڭىزعا اقشا جىبەرىپ وتىرعان جالعىز ادامسىز. قانشا سوما ەكەنى ماڭىزدى ەمەس. جۇبايىڭىز تەكسەرىلمەيدى», – دەدى قارجى مينيسترلىگى مەملەكەتتىك كىرىس كوميتەتىنىڭ جەكە تابىستى اكىمشىلەندىرۋ دەپارتامەنتى باسشىسى دينا قۇسايىنوۆا
وتباسى ىشىندەگى اۋدارىمدار تۋرالى نەگىزگى ماسەلەلەر:
- سوما ماڭىزدى ەمەس. جۇبايلار ءبىر-بىرىنە كەز كەلگەن سومانى اۋدارا الادى – ءبىر ميلليون نەمەسە 10 ميلليون تەڭگە. بۇل جاعدايدا سالىق ءاۋديتىنىڭ كريتەريلەرى قولدانىلمايدى;
- اي سايىنعى تۇراقتى اۋدارىمدار تەكسەرىلمەيدى. ەر ادام ايەلىنە كۇندە اۋدارىپ وتىرۋى مۇمكىن;
- تەكسەرۋدىڭ نەگىزگى كريتەريى – جىبەرۋشىلەر سانى. ەگەر قاراجات 100 ءتۇرلى ادامنان الىنعان بولسا, سالىق ورگاندارى ترانزاكتسيالارعا نازار اۋدارادى.
