فوتو: weproject.media
استانا قالاسى اكىمدىگىنىڭ مالىمەتىنشە, «حالىق قاتىساتىن بيۋدجەت» جوباسى ازاماتتاردىڭ باستامالارىن قولداۋعا, اۋلالاردى كۇردەلى جوندەۋدەن وتكىزۋگە, گۇلزارلاردى, ساياباقتاردى جانە وزگە دە قوعامدىق كەڭىستىكتەردى قۇرۋعا باعىتتالعان.
باعدارلاما ساراپتامالىق كەڭەس قۇرۋ, ءوتىنىم قابىلداۋ, جوبالىق ۇسىنىستاردى تالداۋ, داۋىس بەرۋ, قورىتىندى شىعارۋ, جۇمىس جوسپارىن ازىرلەۋ جانە جوبالاردى ىسكە اسىرۋ سىندى 7 كەزەڭنەن تۇرادى.
بايقوڭىر اۋدانىنىڭ تۇرعىندارى وتىنىمدەرىن اۋدان اكىمدىگىنىڭ رەسمي ينتەرنەت-رەسۋرسى – www.baikonyr-astana.kz سايتىنىڭ «حالىق قاتىساتىن بيۋدجەت-2025» بولىمىنە جولداي الادى. ول ءۇشىن جوبا اتاۋىن, سيپاتتاماسى كورسەتىلىپ, ەسكيز بەن سمەتانى (شامامەن بولۋى مۇمكىن), اۋماقتىڭ قازىرگى جاعدايىن كورسەتەتىن فوتوسۋرەتتەر دە قوسا تىركەلۋ قاجەت. وسى بولىمدە جوبانىڭ ەرەجەلەرى, ۇلگىلىك جوبالىق ۇسىنىس, ءىس-شارالاردىڭ مەرزىمدەرى جانە ساراپتامالىق كەڭەس قۇرامى دا ورنالاستىرىلعان.ء وتىنىم قابىلداۋ 1 ناۋرىزعا دەيىن جالعاسادى.
الماتى اۋدانىندا تۇرعىنداردان ءوتىنىم قابىلداۋ 5 قاڭتاردا اياقتالدى. قازىر تۇسكەن ۇسىنىستاردى تالداۋ جانە تەكسەرۋ جۇمىستارى ءجۇرىپ جاتىر. داۋىس بەرۋ 25 قاڭتار مەن 16 اقپان ارالىعىندا وتەدى. ول ءۇشىن اۋدان اكىمدىگىنىڭ سايتىندا نەمەسە Egov Mobile قوسىمشاسىندا ەلەكتروندى تسيفرلىق قولتاڭبا ارقىلى اۆتوريزاتسيادان ءوتۋ قاجەت.
استانادا ەرەكشە قاجەتتىلىكتەرى بار بالالارعا ارنالعان ويىن الاڭى اشىلدى
سارايشىق اۋدانىندا ءوتىنىم قابىلداۋ 20 قاڭتاردا باستالادى. ءوتىنىم قابىلداۋ كەزەڭىندە قاتىسۋشىلار ناقتى وزگەرىستەر مەن بيۋدجەتتىك ەسەپتى كورسەتە وتىرىپ, اباتتاندىرۋ جوسپارىن ازىرلەۋى ءتيىس. دايىن جوبالار اۋدان اكىمدىگىنىڭ رەسمي سايتىنداعى «پايدالى سىلتەمەلەر» بولىمىندە ورنالاسقان «حالىق قاتىساتىن بيۋدجەت-2025» بولىمىنە جۇكتەلەدى. تەحنيكالىق تالداۋ مەن تەكسەرۋدەن كەيىن جوبالار داۋىس بەرۋ كەزەڭىنە وتەدى. جوبا بۇل اۋداندا 2025 جىلدان بەرى جۇزەگە اسىرىلىپ كەلەدى. وتكەن جىلى 17 اۋلا جاڭارتىلعان. ءبىر تۇرعىن تەك ءبىر جوباعا عانا داۋىس بەرە الادى. جەڭىمپازدار 40 پاتەرگە دەيىن, 100 پاتەرگە دەيىن جانە 100 پاتەردەن كوپ ۇيلەردىڭ اۋلالارى سىندى 3 سانات بويىنشا انىقتالادى.
سارىارقا اۋدانىندا دا ءوتىنىم قابىلداۋ 20 قاڭتاردا باستالادى. «حالىق قاتىساتىن بيۋدجەت» جوباسى بۇل اۋداندا 2019 جىلدان بەرى تابىستى ىسكە اسىرىلىپ كەلەدى. وسى ۋاقىت ىشىندە تۇرعىنداردىڭ 157 باستاماسى جۇزەگە اسىرىلدى. تەك وتكەن جىلدىڭ وزىندە 52 اۋلا جاڭارتىلىپ, ونىڭ 36 جوباسى تۇرعىنداردىڭ تىكەلەي قاتىسۋىمەن ىسكە اسقان.
نۇرا اۋدانىنىڭ تۇرعىندارىنان ءوتىنىم قابىلداۋ دا قاڭتار ايىندا باستالادى. جوبا اياسىندا استانادا جىل سايىن 100-دەن استام اۋلا جاڭارتىلادى. تۇرعىندار باعدارلاماعا قاتىسۋ ارقىلى اۋلالارىن جاقسارتۋعا باعىتتالعان جەكە ۇسىنىستارىن بەرە الادى.
استانادا ەرەسەكتەرگە ارنالعان تەگىن قازاق ءتىلى كۋرسىنا قابىلداۋ باستالدى
ەسىل اۋدانىندا «حالىق قاتىساتىن بيۋدجەت» جوباسى بويىنشا ءوتىنىم قابىلداۋ 23 قاڭتار مەن 1 ناۋرىز ارالىعىندا جۇرگىزىلەدى. وسى كەزەڭدە تۇرعىندار اباتتاندىرۋعا قاتىستى ناقتى ۇسىنىستارىن جانە قاجەتتى بيۋدجەت ەسەبىن كورسەتىپ, باستامالارىن جولداۋى ءتيىس. جوبالار اۋدان اكىمدىگىنىڭ رەسمي سايتىنداعى «حالىق قاتىساتىن بيۋدجەت-2026» ءبولىمى ارقىلى قابىلدانادى. ءوتىنىم قابىلداۋ اياقتالعاننان كەيىن 5 ساۋىرگە دەيىن تەحنيكالىق تەكسەرۋ جانە تالداۋ جۇرگىزىلىپ, كەلەسى كەزەڭگە وتەتىن جوبالار انىقتالادى. داۋىس بەرۋ 6-24 ءساۋىر ارالىعىندا ءوتىپ, 24-29 ساۋىردە قورىتىندىسى شىعارىلادى.
ال 4 مامىرعا دەيىن ساراپتامالىق كەڭەس ىرىكتەلگەن باستامالاردى ىسكە اسىرۋدىڭ باسىمدىقتارىن ايقىندايدى. تۇرعىندار قولداعان جوبالاردى ىسكە اسىرۋ 2025 جىلعى 4 مامىر مەن 15 قىركۇيەك ارالىعىنا جوسپارلانىپ وتىر.
