ءبىر جاعىنان, تالانتتى جاس ونەرپازعا ەلوردالىق بىرەگەي تەاتردىڭ ساحناسى بوتەن ەمەس. ول وسىنداعى بالالار ستۋدياسىندا وقىعان. سونداي-اق «توسكا», «بوگەما», «تۋراندوت» سىندى بىرقاتار وپەرالاردا ونەر كورسەتكەن.
– مۋزىكا مەكتەبىنىڭ ۆوكال سىنىبىن ءبىتىردىم. سودان كەيىن انام مەنى «استانا وپەرانىڭ» حور ستۋدياسىنا بەردى. وسىندا العاش رەت وپەرا الەمىمەن جاقىن تانىستىم. ۇستازىم التىنعانىم احمەتوۆانىڭ جەتەكشىلىگىمەن بىرنەشە قويىلىمعا قاتىستىم. تەاتر پريماسى جۇپار عابدۋللينانىڭ ورىنداۋىنداعى تۋراندوتتىڭ «In questa reggia» ارياسىن العاش رەت ونىمەن ءبىر ساحنادا تۇرىپ ەستىدىم. بۇل – مەن ءۇشىن جارقىن ەستەلىك بولىپ قالدى. شىنىمدى ايتسام, پۋچچيني مۋزىكاسىنىڭ اسەمدىگى, وركەستردىڭ اۋقىمدىلىعى مەن رەجيسسەرلىك قويىلىمنىڭ كەرەمەت ۇيلەسىمى مەنى ەرەكشە سەزىمگە بولەدى. كوزىمە جاس الدىم. وسى ساتتەن وپەرا تەاترىنا دەگەن ماحابباتىم ويانا باستادى, – دەدى وپەرا ءانشىسى.
ءازيزا وماروۆا – يتاليانىڭ نوۆارا قالاسىنداعى گۆيدو كانتەللي اتىنداعى مەملەكەتتىك مۋزىكالىق كونسەرۆاتورياسىن تامامداعان. قازىر ول دج.ۆەردي اتىنداعى كونسەرۆاتوريانىڭ ماگيستراتۋراسىندا ءبىلىم الىپ جاتىر. سونىمەن بىرگە دارىندى ونەرپاز يتاليانىڭ چيۆيتانوۆا-ماركە قالاسىنداعى دج.روسسيني تەاترىندا ۆ.ا.موتسارتتىڭ ء«بارى وسىلاي جاسايدى» وپەراسىندا دەسپينانىڭ, كومو قالاسىنداعى قوعامدىق تەاتر ساحناسىندا ا.ءباتستسينيدىڭ «تۋراندا» وپەراسىنداعى ادەلمانىڭ پارتياسىن سومداعان.
ايتا كەتەيىك. «Piccolo» تەاترى تانىمال جوباسى اياسىندا «جىبەك ساتى» وپەراسى ەلوردالىق ونەر ورداسىندا 2019 جىلدان بەرى تابىستى قويىلىپ كەلەدى.
