سۋرەت: orda.kz
ءىىم تاراتقان اقپاراتقا سايكەس, پوليتسيا وتكەن جىلى بايلانىس وپەراتورلارىمەن بىرلەسىپ, 19 ملن-نان اسا جالعان قوڭىراۋدى بۇعاتتاعان. سونداي-اق 85 ملن-نان اسا الاياقتىق قوڭىراۋدىڭ جولى كەسىلدى. قىلمىستىق توپتاردى قۇرۋ مەن باسقارۋ فاكتىلەرى بويىنشا 6 قىلمىستىق (بىرەۋى ترانسۇلتتىق) ءىس قوزعالعان.
سونىمەن قاتار قابىلدانعان تەحنيكالىق شارالاردىڭ ناتيجەسىندە قىلمىسكەرلەر پايدالانعان 100 مىڭنان اسا SIM-كارتا مەن 88 SIM-box قۇرىلعىسى تاركىلەنگەن. بىلتىر ەلىمىزدەن تىس جەرلەردە 7 call-ورتالىقتىڭ زاڭسىز قىزمەتى توقتاتىلدى. بۇدان بولەك, ەل اۋماعىندا تاعى وسىنداي 6 ورتالىقتىڭ قىزمەتى جويىلدى.
كيبەرقىلمىسقا قارسى كۇرەس – ىشكى ىستەر مينيسترلىگىنىڭ قىزمەتىندەگى باسىم باعىتتاردىڭ ءبىرى. ازاماتتاردى تسيفرلىق كەڭىستىكتە قورعاۋ ماقساتىندا قازىر پوليتسيا كەشەندى جۇمىستار جۇرگىزىپ جاتىر. مەملەكەتتىك ورگاندارمەن بىرلەسىپ, مۇنداي قىلمىستاردىڭ الدىن الۋ بويىنشا جۇيەلى پروفيلاكتيكالىق شارالار قولعا الىنعان. ينتەرنەت قارىشتاپ دامىعالى ء«داستۇرلى» قىلمىس تۇرلەرى ونلاين-كەڭىستىككە اۋىسىپ, ولاردىڭ جاڭا فورمالارى پايدا بولدى. بۇگىندە ۇرلىقتار ينتەرنەت جەلىسى ارقىلى جاسالىپ, قىلمىسكەرلەر ازاماتتاردىڭ قاراجاتىن جىمقىرۋ ءۇشىن زاماناۋي تەحنولوگيالاردى قولدانادى.
ءىىم ءباسپاسوز قىزمەتىنىڭ مالىمەتىنشە, مۇنداي قىلمىستارمەن كۇرەس زاڭنامالىق, تەحنيكالىق جانە پروفيلاكتيكالىق شارالار سەكىلدى ءۇش نەگىزگى باعىتتا جۇرگىزىلۋگە ءتيىس. كەشەندى ءتاسىل عانا كيبەرقىلمىسقا قارسى تۇرۋعا مۇمكىندىك بەرەدى.
ءىىم قىزمەتكەرلەرى ازاماتتاردى الاياقتاردىڭ قۇربانى بولماس ءۇشىن قاراپايىم قاۋىپسىزدىك ەرەجەلەرىن ساقتاۋعا شاقىرادى. كۇماندى سىلتەمەلەرگە وتپەۋ قاجەت, جەكە دەرەكتەردى بوگدە ادامدارعا ايتپاۋ كەرەك, سونداي-اق بانك كارتالارى مەن دەرەكتەرىن ءۇشىنشى تۇلعالارعا بەرمەگەن ءجون.
