فوتو: istockphoto.com
وقيعا «سوكولوۆ-سارىباي تاۋ-كەن بايىتۋ وندىرىستىك بىرلەستىگى» اق-نا قاراستى شاحتادا بولعان. مالىمەتتەرگە سايكەس, كەن قازىندىسىندا رۋدا كەسەكتەرى تۇرىپ قالعان. سولاردى تازارتۋ ءۇشىن جارىلعىش ماتەريالداردى قولدانۋ كەزىندە باقىلاۋسىز جارىلىس بولىپ, سالدارىنان ماشينيست جاراقات العان.
قازىرگى ۋاقىتتا زارداپ شەككەن جۇمىسشى قالالىق اۋرۋحانادا مەديتسينالىق كومەك الىپ جاتىر. كومپانيا وكىلدەرى ونىڭ جاعدايى باقىلاۋدا ەكەنىن ايتتى.
بولعان وقيعاعا بايلانىستى پوليتسيا دەپارتامەنتى ەڭبەكتى قورعاۋ ەرەجەلەرىن بۇزۋ فاكتىسى بويىنشا قىلمىستىق ءىس قوزعادى. تەرگەۋ اياسىندا قۇقىق قورعاۋ ورگاندارى وقيعانىڭ بارلىق سەبەپتەرىن انىقتاپ, ءتيىستى قۇقىقتىق باعا بەرەتىن بولادى.