فوتو: تستاك
قحدر ورتالىق تەلەگراف اگەنتتىگى (تستاك) حابارلاعانداي, زىمىران سىناعىن ەل باسشىسى كيم چەن ىن جەكە ءوزى قاداعالاعان. سولتۇستىك كورەيا ليدەرى بۇل قادامدى «يادرولىق تەجەۋدى جوعارى دەڭگەيگە جەتكىزۋ» جانە ء«وزىن-ءوزى قورعاۋدىڭ قاجەتتى شاراسى» دەپ اتادى. كيم چەن ىن الەمدەگى قازىرگى گەوساياسي داعدارىستىڭ شابۋىلداۋشى قارۋ-جاراق جۇيەسىن دامىتۋعا ماجبۇرلەپ وتىرعانىن جەتكىزدى.
Reuters اگەنتتىگىنىڭ ساراپشىلارى بۇل سىناقتى پحەنياننىڭ ۆاشينگتونعا بەرگەن سەسى دەپ باعالايدى. كورەي ۇلتتىق بىرىگۋ ينستيتۋتىنىڭ مامانى حون ءميننىڭ ايتۋىنشا, كيم چەن ىننىڭ «سوڭعى داعدارىس» تۋرالى ءسوزى اقش-تىڭ ۆەنەسۋەلاعا جاساعان اسكەري سوققىلارىنا تىكەلەي قاتىستى.
ايتا كەتەيىك, بۇل سىناقتار ۆەنەسۋەلانىڭ بۇرىنعى پرەزيدەنتى نيكولاس مادۋرو مەن ونىڭ جۇبايى اقش-قا جەتكىزىلىپ, 2026 جىلدىڭ 5 قاڭتارىندا فەدەرالدى سوت الدىندا جاۋاپ بەرەتىن ساتتە ورىندالدى. دونالد ترامپ اكىمشىلىگى ۆەنەسۋەلاعا قارسى جاڭا اسكەري شارالاردى قولدانۋدى جالعاستىرۋى مۇمكىن.
سونىمەن قاتار زىمىران ۇشىرۋ ءساتى وڭتۇستىك كورەيا پرەزيدەنتى لي چجە ميوننىڭ قىتايعا ساپارىمەن جانە سي تسزينپينمەن كەزدەسۋىمەن سايكەس كەلدى. بۇل ايماقتاعى شيەلەنىستى ودان ءارى ارتتىرا ءتۇستى. ەۋروپالىق وداق بولسا, حالىقارالىق قۇقىقتى ساقتاي وتىرىپ, جاعدايدى بەيبىت جولمەن شەشۋگە شاقىرىپ جاتىر.
