ۆيدەودان الىنعان
پوليتسيا مالىمەتىنشە, 29 تامىزدا جەدەل ءىس-شارا بارىسىندا قاراعاندى وبلىسىنىڭ كريمينالدىق پوليتسيا قىزمەتكەرلەرى ءىىم ۇيلەستىرۋىمەن ءۇش ادامنان قۇرالعان براكونەرلىك قىلمىستىق توپتى ۇستادى. ولار كيىكتەردى زاڭسىز اۋلاپ, مۇيىزدەرىن ساتۋ ماقساتىندا جيناعان. كۇدىكتىلەردەن سالماعى شامامەن 400 كەلى بولاتىن 1 127 كيىك ءمۇيىزى, سونداي-اق ەكى تەگىس ۇڭعىلى مىلتىق تاركىلەندى.
ۇستالعان ادامدار مەن ولاردىڭ بايلانىستارىن ودان ءارى تەكسەرۋ بارىسىندا 24 جەلتوقساندا پاۆلودار وبلىسى اۋماعىندا رەسەي فەدەراتسياسىمەن شەكارادا تاعى ءبىر براكونەرلىك توپ قولعا ءتۇستى. بۇل توپ ەكى ادامنان تۇرعان, ولاردىڭ ءبىرى شەتەل ازاماتى. اتالعان تۇلعالار جۇك كولىگىندە ارنايى جاسالعان جاسىرىن ورىنعا الدىن الا تىعىپ, 1 882 كيىك ءمۇيىزىن مەملەكەتتىك شەكارا ارقىلى زاڭسىز الىپ وتپەك بولعان.
اتالعان فاكتىلەر بويىنشا قىلمىستىق ءىس قوزعالىپ, تەرگەۋ امالدارى جۇرگىزىلىپ جاتىر.
