قولباسشىلىقتىڭ نازارىن جانە قولداۋىن ءبىلدىرۋ ماقساتىندا ۇلتتىق ۇلان باس قولباسشىسىنىڭ تجاقج ورىنباسارى گەنەرال-مايور قايرات ۇمبەتوۆ مەرەكە كۇنى جاۋىنگەرلىك بەكەتتە تۇرعان ساربازداردى جەكە ءوزى قۇتتىقتادى.
ساپار بارىسىندا قۇقىقتىق ءتارتىپ اسكەرلەرىنىڭ باس تاربيەشىسى قوعامدىق ءتارتىپتى قورعاۋ بويىنشا قىزمەت اتقارىپ جۇرگەن ورىندارعا بارىپ, قىزمەت وتكەرۋ جاعدايىمەن تانىستى جانە جاۋىنگەرلىك كەزەكشىلىكتە تۇرعان جەكە قۇرامعا قولداۋ ءبىلدىردى.
مەرەكە كۇندەرى ءوز مىندەتتەرىن اتقارىپ جۇرگەن كەزەكشى بولىمگە, جاڭا شاقىرىلىمنىڭ وقۋ روتالارىنا جانە روتالاردىڭ ىشكى قاراۋىلدارىنا ەرەكشە نازار اۋدارىلدى.
ىشكى ىستەر ءمينيسترىنىڭ ورىنباسارى – ۇلتتىق ۇلاننىڭ باس قولباسشىسى گەنەرال-مايور اڭساعان بالتابەكوۆتىڭ اتىنان ۇلاندىقتارعا ءسوز سويلەگەن گەنەرال-مايور قايرات ۇمبەتوۆ ولاردىڭ قىزمەتىنىڭ ماڭىزدىلىعىن اتاپ ءوتىپ, اسكەري بورىشقا ادالدىعى ءۇشىن العىس ءبىلدىردى.
– جاڭا جىل ەلىمىزدە قوعامدىق ءتارتىپ پەن قاۋىپسىزدىكتى قامتاماسىز ەتۋ جونىندەگى وزگەرمەيتىن مىندەتتەردى العا قويادى. ءبىز بولاشاققا سەنىممەن قاراپ, جاقسىعا ءۇمىت ارتامىز. مەرەكە قارساڭىندا بۇكىل جەكە قۇرامعا جانقيارلىق قىزمەتى مەن اسكەري بورىشقا ادالدىعى ءۇشىن العىس ايتامىن. سىزدەرگە جانە جاقىندارىڭىزعا مىقتى دەنساۋلىق, تىنىشتىق پەن اشىق اسپان تىلەيمىن, – دەدى باس قولباسشىنىڭ تجاقج ورىنباسارى.
ساپار جىلى ءارى ىسكەرلىك جاعدايدا ءوتىپ, مەرەكە كۇندەرى قىزمەت اتقارىپ جۇرگەن اسكەري قىزمەتشىلەر ءۇشىن باسشىلىقتىڭ نازارىن, قولداۋىن جانە جوعارى باعاسىن بىلدىرەتىن ماڭىزدى بەلگىگە اينالدى.
