فوتو: istockphoto.com
«قازاۆتوجول» ۇلتتىق كومپانياسى حابارلاعانداي, قازىرگى ۋاقىتتا جولدارداعى جاعداي تومەندەگىدەي:
اۋا رايىنىڭ بۇزىلۋىنا بايلانىستى قورداي اسۋىنىڭ جاڭا اينالما جولى (كەنەن – قاينار اۋىلدارى ارالىعى) كولىكتىڭ بارلىق ءتۇرى ءۇشىن جابىق. جۇرگىزۋشىلەر ەسكى قورداي اسۋى ارقىلى قاتىناي الادى. جول بۇگىن ساعات 09:00 شاماسىندا اشىلۋى ءتيىس.
استانا – پاۆلودار باعىتىنداعى «قالقامان» كولىك ايرىعىندا قوزعالىس شەكتەلدى. كوپىر قۇرىلىمىنىڭ زاقىمدانۋىنا بايلانىستى قالقامان كەنتىنە كىرۋ-شىعۋ مۇمكىن ەمەس.
وسينوۆ اسۋىندا (وسكەمەن – التاي باعىتى) تىركەمەسى بار اۋىر جۇك كولىكتەرىنە تىيىم سالىندى. بۇل شەكتەۋ قىس مەزگىلى اياقتالعانشا ساقتالادى.
جولدىڭ جاي-كۇيى تالاپقا ساي بولعاندىقتان, كەلەسى ۋچاسكەلەردە ەڭ جوعارى جىلدامدىق 110 كم/ساع دەيىن كوتەرىلدى:
1. استانا – كوكشەتاۋ – پەتروپاۆل (اقمولا وبلىسى اۋماعىندا).
2. استانا – قاراعاندى (جىبەك جولىنان تەمىرتاۋعا دەيىنگى ارالىق).
سينوپتيكتەردىڭ بولجامىنشا, رەسپۋبليكانىڭ باسىم بولىگىندە قار جاۋىپ, بوران سوعادى. جولداعى كورىنۋ دەڭگەيى تومەندەۋى مۇمكىن.
