فوتو: gov.kz
ءتۋرنيردىڭ فينالىندا قازاقستان وكىلى ۋكراينالىق شاحماتشى اننا مۋزىچۋكتى جەڭدى. ال جارتىلاي فينالدا اساۋباەۆا قىتايلىق چجۋ تسزينەردى سەنىمدى تۇردە ۇتىپ, قاتارىنان ءۇش پارتيادا باسىم ءتۇسىپ, فينالعا جولداما الدى. ءوز كەزەگىندە اننا مۋزىچۋك نيدەرلاند وكىلى ەلين رۋبەرستى جەڭىپ, شەشۋشى كەزدەسۋگە شىققان بولاتىن.
بليتستەن وتكەن الەم چەمپيوناتىنىڭ جالپى جۇلدە قورى ءبىر ميلليون ەۋرودان استى. 21 جاستاعى ءبيبىسارا اساۋباەۆا ءۇشىن بۇل اتاق – سپورت مانسابىنداعى تاعى ءبىر ءىرى جەتىستىك. ول بۇعان دەيىن 2021 جانە 2022 جىلدارى بليتستەن الەم چەمپيونى اتانىپ, راپيد شاحماتىنان الەم چەمپيوناتىندا كۇمىس جۇلدە يەلەنگەن. ال 2025 جىلى شاحماتشى فيدە ۇيىمداستىرعان «ۇلكەن شۆەيتساريا» تۋرنيرىندە قولا مەدال جەڭىپ الىپ, حالىقارالىق گروسسمەيستەر اتاعىنا قول جەتكىزدى.
ايتا كەتەيىك, مەملەكەت باسشىسى قاسىم-جومارت توقاەۆ بيبىسارا اساۋباەۆانىڭ حالىقارالىق جارىستارداعى ايتۋلى جەتىستىكتەرى مەن ەل شاحماتىن دامىتۋعا قوسقان ەلەۋلى ۇلەسى ءۇشىن ونى ءىى دارەجەلى «بارىس» وردەنىمەن ماراپاتتاۋ تۋرالى شەشىم قابىلدادى.
