مەرەكەلىك كەشتە ەرتەگى كەيىپكەرلەرى بالالارعا جىلى ءسوزىن ارناپ, قىزىقتى ويىندار ويناتتى. بالالاردىڭ شات كۇلكىسى مەن كوتەرىڭكى كوڭىل كۇيى ساحنانى جادىراتىپ, بىرگە اياز اتا مەن اقشاقاردىڭ كەلۋىمەن جاڭاجىلدىق ەرتەگى ودان ءارى جالعاستى. ساحنادا «اياز اتا» ءانى شىرقالىپ, اياز اتا ورتاعا قايتا ورالدى. بالالار قۋانىپ, مەرەكەنىڭ كورىگى قىزا ءتۇستى.
اياز اتا مەن اقشاقار باستاپ شىرشانىڭ اسەم شامدارى جاعىلدى. «شىرشا جىرى» ءانى شىرقالدى. ءىس-شارادا كوڭىلدى كەشتى بالالارمەن بىرگە تاماشالاۋعا كەلگەن وبلىس اكىمى ەربول قاراشوكەەۆ ورتاعا شىعىپ, بالالاردى قۇتتىقتاپ, سىيلىقتار تاپسىردى.
ءوڭىر باسشىسىنىڭ قولىنان باعالى سىيلىق العانداردىڭ قاتارىندا ليليا گۋزاتوۆا مەن ارمان قالدىبەك بار. ولار 80 مىڭ تەڭگەلىك سەرتيفيكاتقا يە بولدى. مۇنداي سىيلىق پەن سەرتيفيكات 100 بالانىڭ بارلىعىنا بەرىلدى. وبلىس باسشىسى بالالارمەن بىرگە ەستەلىك سۋرەتكە ءتۇستى.
تاراز
