«ماراپات ادام رامزانوۆيچكە وتاننىڭ قاۋىپسىزدىگى, تۇراقتىلىعى مەن وركەندەۋىن قامتاماسىز ەتۋگە قوسقان ەلەۋلى ۇلەسى ءۇشىن بەرىلدى. ونىڭ باسشىلىعىمەن شەشەن رەسپۋبليكاسىندا تۇراقتى دامۋ مەن حالىقتىڭ ءال-اۋقاتىن ارتتىرۋعا جاعداي جاسالىپ كەلەدى», دەپ جازدى احمەد دۋداەۆ.
ادام قادىروۆتىڭ ساياسي قىزمەتى مەن ماراپاتتارى
ءساۋىر ايىنىڭ باسىندا ادام قادىروۆ رەسەي ءىىم-ءنىڭ شەشەنستانداعى باسقارماسىنا كۋراتور بولىپ تاعايىندالدى. وسىدان كەيىن ول ۆەدومستۆونىڭ ىشكى قاۋىپسىزدىك ءبولىمىنىڭ جاڭا باسشىسىن بەكىتىپ, بىرقاتار قىزمەتكەرگە ماراپات تاپسىردى. كەيىنىرەك رامزان قادىروۆتىڭ ۇلى شەشەن رەسپۋبليكاسىنىڭ قاۋىپسىزدىك كەڭەسىنىڭ حاتشىسى قىزمەتىنە تاعايىندالدى.
2023 جىلدىڭ قاراشا ايىندا, 15 جاسىندا, ادام قادىروۆ اكەسىنىڭ قاۋىپسىزدىك قىزمەتىنىڭ باسشىسى بولعان. كەيىن ول رەسەي رەكوردتار كىتابىنا ءوڭىر باسشىسىنىڭ قاۋىپسىزدىك قىزمەتىن باسقارعان ەڭ جاس تۇلعا رەتىندە ەندى.
18 جاسقا دەيىن ادام قادىروۆ شەشەنستاننىڭ ەڭ جوعارى ماراپاتى – قادىروۆ وردەنىن, شەشەنستان باتىرى مەدالىن, قاراشاي-شەركەشيا مەن قاباردين-بالقاريا الدىنداعى ەڭبەگى ءۇشىن وردەندەردى, تاتارستانداعى ماڭىزدىلىعى جاعىنان ەكىنشى سانالاتىن «دۋسلىك» وردەنىن, «شەشەن رەسپۋبليكاسىنىڭ قورعاۋشىسى» مەدالىن جانە باسقا دا ماراپاتتاردى العان.
