ماحامبەت اۋدانىنىڭ پروركۋرورى بولىپ تاعايىندالعان ادىلەت نۇرباەۆ ەڭبەك جولىن 2016 جىلى ماقات اۋدانىنىڭ پروكۋراتۋراسىندا باستاعان. كەيىن اتىراۋ قالالىق پروكۋراتۋراسىندا, جىلىوي اۋدانىنىڭ پروكۋراتۋراسىندا جۇمىس ىستەگەن.
وبلىس پروكۋراتۋراسىندا باسقارما پروكۋرورى, اعا پروكۋرور, وبلىس پروكۋرورىنىڭ اعا كومەكشىسى, باسقارما باستىعىنىڭ ورىنباسارى, وبلىس پروكۋراتۋراسىنىڭ اپپارات باسشىسى قىزمەتىن اتقارعان.
ال ەركەبۇلان ەرمەكوۆ ەڭبەك جولى باستالعان قىزىلقوعا اۋدانىنىڭ پروكۋراتۋراسىن باسقارۋعا جىبەرىلدى. ونىڭ بۇل سالادا 16 جىلدان استام ەڭبەك ءوتىلى بار.
ءار جىلدارى قىزىلقوعا اۋدانى پروكۋرورىنىڭ ورىنباسارى, اتىراۋ قالالىق پروكۋراتۋراسىنىڭ ءبولىم باستىعى, وبلىس پروكۋرورىنىڭ اعا كومەكشىسى بولعان. بۇدان سوڭ تابيعات قورعاۋ پروكۋرورىنىڭ ورىنباسارى, تابيعات قورعاۋ پروكۋرورى, 2024 جىلدان بەرى جىلىوي اۋدانىنىڭ پروكۋرورى قىزمەتىن اتقاردى.
ماقات اۋدانىنىڭ پروكۋرورى لاۋازىمىنا باقتيار كەۋلىمجاي تاعايىندالدى. ول ەڭبەك جولىن 2000 جىلى اقتوبە قالالىق پروكۋراتۋراسىندا باستاعان.
بۇدان سوڭ تابيعات قورعاۋ پروكۋرورىنىڭ ورىنباسارى, باسقارما باستىعى, 5 جىل قىزىلقوعا اۋدانىنىڭ پروكۋرورى قىزمەتىندە تاجىريبە جيناعان. وبلىستىق پروكۋراتۋرادا وزىندىك قاۋىپسىزدىكتى قامتاماسىز ەتۋ جونىندەگى اعا كومەكشى قىزمەتىن اتقارعان.
سونداي-اق ماگيلان راحيموۆ جىلىوي اۋدانىنىڭ پروكۋرورى قىزمەتىن اتقاراتىن بولدى. ول 2007 جىلدان بەرى پروكۋراتۋرا ورگانداردا جۇمىس ىستەيدى.قۇرمانعازى اۋدانىنىڭ پروكۋراتۋراسىندا ەڭبەك جولىن باستاپ, اۋدان پروكۋرورىنىڭ ورىنباسارى بولعان. وبلىستىق پروكۋراتۋرادا شىڭدالىپ, 5 جىل قۇرمانعازى اۋدانىنىڭ پروكۋرورى, 2024 جىلدان بەرى ماقات اۋدانىنىڭ پروكۋرورى قىزمەتىن اتقارىپ كەلدى.
