فوتو: اشىق دەرەككوز
Energy monitor تەلەگرام ارناسىنىڭ مالىمەتىنشە, نوۆوروسسيسك اۋماعىندا 30-31 جەلتوقسان كۇندەرى كۇشتى داۋىل بولادى دەپ كۇتىلەدى. اۋا رايىنىڭ قولايسىزدىعى تانكەرلەرگە مۇناي تيەۋ جۇمىستارىن قيىنداتىپ, سونىڭ سالدارىنان تەرمينالدىڭ رەزەرۆۋارلار پاركى تولىپ كەتكەن.
وسى جاعدايعا بايلانىستى كەشە قاراشىعاناق جوباسى مۇناي ءوندىرۋ كولەمىن ايتارلىقتاي شەكتەدى. رەزەرۆۋارلاردىڭ تولۋىنا وراي ەلىمىزدەگى باسقا دا ءىرى مۇناي ءوندىرۋشى كومپانيالار دا جاقىن ارادا ءوندىرىس دەڭگەيىن تومەندەتۋگە ءماجبۇر بولادى.
ەسكە سالا كەتەيىك, 29 قاراشادا نوۆوروسسيسك پورتى اۋدانىندا كتك-نىڭ تەڭىز ينفراقۇرىلىمىنا ۇشقىشسىز قۇرىلعىلار شابۋىل جاساپ, ناتيجەسىندە ۆپۋ-2 تيەۋ قۇرىلعىسى ايتارلىقتاي زاقىمدالعان بولاتىن.
