قامقورلىق اياسىنداعى يگىلىكتى ىستەر

وبلىستىق جۇمىسپەن قامتۋدى ۇيلەستىرۋ جانە الەۋمەتتىك باع­دار­لا­مالار باسقارماسىنىڭ مالى­مەتىنشە, اتاۋلى الەۋمەتتىك كومەكتى از قامتىلعان 2 663 وتبا­سى (11 606 ادام) الادى. وڭىردە قازىرگى ۋاقىتتا 11 089 كوپبالالى وتباسى مەملەكەتتىك جاردەماقى الىپ وتىر. ايماقتا 29,8 مىڭ مۇگەدەك ادام تۇرادى. الەۋمەتتىك وڭالتۋ ماق­ساتىندا مۇگەدەكتىگى بار ادامدار تەحنيكالىق كومەكشى قۇرالدارمەن, الەۋمەتتىك قىزمەت­تەرمەن قامتىلعان.

– بيىل مۇگەدەكتىگى بار تۇلعا­لار 23,3 مىڭ ءوتىنىش بەرىپ, ونىڭ 21,6 مىڭى ورىندالدى. اتاپ ايتقاندا, 2 282 پروتەزدىك-ورتو­پە­ديا­لىق بۇيىم, 784 كرەسلو-اربا, 1 396 تيفلوتەحنيكالىق, 516 سۋر­دو­تەحنيكالىق قۇرال, 11,8 مىڭ مىندەتتى گيگيەنالىق قۇرال بەرىلدى. سونداي-اق مۇمكىندىگى شەكتەۋلى 2 792 ادامعا ساناتوري-كۋرورتتىق ەمدەۋ قىزمەتتەرى كورسەتىلدى. ءبىرىنشى توپتاعى 1 544 مۇگەدەككە جەكە كومەكشى, 441 ادامعا ەستۋ قابىلەتى بۇزىلعان ىمداۋ ءتىلى مامانىنىڭ قىزمەتتەرى كورسەتىلىپ وتىر, – دەدى باسقارما باسشىسىنىڭ ورىنباسارى ءاليا راحىموۆا.

بۇدان بولەك, مۇمكىندىگى شەكتەۋلى بالالاردى ۇيدە وقىتۋعا جۇمسالاتىن شىعىنداردى توقسان سايىن 8 اەك مولشەرىندە وتەۋ كوزدەلگەن. جىل باسىنان 23,9 ملن تەڭگە سوماسىنا 483 بالاعا تولەم جۇرگىزىلگەن. سونىمەن قاتار جەرگىلىكتى وكىلدى ورگانداردىڭ ء(ماسليحاتتاردىڭ) شەشىمىمەن مۇگە­دەك­تىگى بار ادامدارعا الەۋ­مەتتىك تولەم­دەر تۇرىندە الەۋمەتتىك قولداۋ كور­سەتىلىپ كەلەدى. ءى, ءىى توپ­تاعى مۇگەدەكتىگى بار 16,1 مىڭ ادام, سونداي-اق 18 جاسقا دەيىنگى مۇگەدەك بالالار جالپى سوماسى 619,5 ملن تەڭگەگە ءارتۇرلى تولەممەن قامتىلعان.

پاۆلودار قالاسىندا ۇكىمەت­تىك, وڭىرلىك دەڭگەيدە بىرنەشە باعدارلاما جۇزەگە اسىرىلىپ جاتىر. جۇمىسپەن قامتۋ, كاسىپ­كەر­لىك­تى دامىتۋ باعدار­لا­مالارى – قىسقامەرزىمدى كۋرستار, گرانتتار, جەڭىلدەتىلگەن نەسيەلەر جۇزدەگەن ادامنىڭ كاسىپ اشۋىنا نەگىز بولعان.

مۇقتاج وتباسىلاردى باسپانامەن قامتۋ باعىتىنا دا باسا ءمان بەرىلىپ وتىر. بيىل وسىنداي ازاماتتارعا كوممۋنالدىق تۇرعىن ءۇي قورىنان 58 پاتەر بەرىلگەن, ونىڭ ىشىندە كوپ­با­لا­لى وتباسىلار سانى – 27. تۇر­عىن ءۇي باعدارلامالارى اياسىندا 115 ازامات كرەديتتىك تۇرعىن ءۇي ساتىپ العان.

ەكىباستۇز قالاسىندا 336,9 ملن تەڭگە سوماسىنداعى اتاۋلى الەۋ­مەتتىك كو­مەك 636 وتباسىنا بەرىلگەن. 335 وتباسىنا تۇرعىن ءۇي كومەگى كورسەتىلسە, «قامقورلىق» قايى­رىمدىلىق اكتسياسى شەڭ­بەرىن­دە حالىقتىڭ الەۋمەتتىك وسال توپتارى قاتارىنداعى ادام­دارعا (وتباسىلارعا) جالپى سوماسى 65 ملن تەڭ­گەگە ماتەريالدىق, قارجىلاي قول­داۋ­لار جاسالعان. كەنشىلەر قالاسى­نىڭ بيلىگى بيىل كەزەكتە تۇرعان 31 ازاماتتى تۇرعىن ۇيمەن قامتاماسىز ەتكەن. ودان بولەك, 79 پاتەر بولۋگە «وتباسى بانك» اق-عا قۇجاتتار جونەلتىلگەن.

جەلەزين اۋدانىنىڭ اكىمى ايتۋعان شايحيموۆتىڭ سوزىنشە, مۇقتاج شاڭىراقتاردى قولداۋ ءوز دەڭگەيىندە جۇرگىزىلىپ كەلەدى. بۇل وڭىردە 154 كوپبالالى وتباسى, 566 مۇگەدەكتىگى بار ازامات, 60 مۇگەدەكتىگى بار بالا, تابىسى كەدەيلىك شەگىنەن تومەن 37 وتباسى تۇرادى.

– بيىل از قامتىلعان وتباسى­لار­عا كومىر ساتىپ الۋعا 6,3 ملن تەڭگە, مۇگە­دەك­­تىگى بار ادام­دارعا كوممۋنال­دىق قىزمەت شى­عىن­دا­رىن وتەۋگە (571 ادام­عا) 8,9 ملن تەڭگە قاراجات بولدىك. ءى, ءىى توپ مۇ­گەدەكتىگى بار 360 ادامعا, مۇگە­دەك­تىگى بار بالالاردى تاربيەلەپ وتىرعان وتباسىلارعا جالپى سوماسى 7 ملن تەڭگەدەن استام بىرجولعى جاردەماقى بەرىلدى. جالپى بيىل 27,2 ملن تەڭگەگە كومەك تۇرلەرى كورسەتىلدى, – دەيدى اكىم.

اۋدان كاسىپكەرلەرى مۇقتاج ازا­­مات­تارعا تۇراقتى تۇردە قايى­رىم­­دىلىق كومەگىن كورسەتىپ كەلەدى. اعىمداعى جىلى ولار قاتتى وتىن, ازىق-ت ۇلىك, مال ازىعى تۇرىندە 13 ملن تەڭگەدەن استام قولداۋ جاساعان. ءبىر عانا «789 KZ» جشس باسشىسى ا.كاركەنوۆا 4 پاتەردى ساتىپ الىپ جوندەپ, ولاردى مۇقتاج وتباسىلارعا بەرگەن.

شارباقتى اۋدانى دا باسپانامەن قامتۋ تۇرعىسىنان الدىڭعى ورىننان كورىندى. مۇندا بيىل 110 ادام جاڭا باسپاناعا يە بولدى. ولارعا ارناپ ءۇش كوپپاتەرلى ۇيلەر تۇرعىزىلىپ, جانىنان سپورت الاڭدارى, بالالارعا ارنال­عان ويىن الاڭدارى سالىندى. بۇل يگىلىكتەر ادامي كاپيتالدى دامى­تۋعا, حالىقتىڭ جايلى ءومىر سۇرۋى­نە ارنالعان.

پاۆلودار وبلىسى