سۋرەتتەردى تۇسىرگەن – ۆالەري بۋگاەۆ
ماسەلەن, تورايعىروۆ كوشەسىندەگى ورتالىق قالالىق كىتاپحانالار جۇيەسىندە 270 مىڭنان استام كىتاپ بار. ال تسيفرلىق جۇيەدە 85 مىڭى ەنگىزىلگەن. بۇگىندە اعاش سورەلەرىنىڭ ورنىنا 2 مىڭنان استام كىتاپ سىياتىن 16 قوزعالمالى سورە ورناتىلعان.
مەردىگەرلىك ۇيىمنىڭ وكىلى الەكساندر تسويدىڭ ايتۋىنشا, كىتاپحانادا ورناتىلعان ءوزىن-ءوزى باسقارۋ تەرمينالى ارقىلى كىتاپحاناشىنىڭ كومەگىنە جۇگىنبەي-اق, الماتى كىتاپحانا جۇيەسىندەگى كىتاپتاردى دا ونلاين وقۋ مۇمكىندىگى بار. بۇعان جاڭا جابدىقتاعى RFID-تەحنولوگيانىڭ ەنگىزىلۋى سەبەپ. وسىدان بىرنەشە جىل بۇرىن كىتاپتاردى شتريح-كود ارقىلى تىركەسە, بۇدان بىلاي اتالعان ءادىستى قولدانۋ ارقىلى وقىرمان تاڭداعان كىتابىن ءۇي جاعدايىندا دا وقي الادى.
– كىتاپحانالاردىڭ مازمۇندىق الەۋەتىن بارىنشا ارتتىرىپ, بالالار مەن جاستاردى بەلسەندى تارتۋدى تاپسىردىم. ولار قالا تۇرعىندارى ءۇشىن تارتىمدى رۋحاني ورتالىققا اينالىپ, وقۋ مادەنيەتى مەن بىلىمگە قۇشتارلىقتى قالىپتاستىراتىن ماڭىزدى كەڭىستىك بولۋى ءتيىس. قازىرگى ۋاقىتتا سۇرانىسقا يە ادەبيەتتەرگە قىزىعۋشىلىق تانىتۋ كەرەك. اسىرەسە قارجىلىق ساۋاتتىلىقتى دامىتۋ ماقساتىندا ەكونوميكا, كاسىپكەرلىك باعىتتا ىزدەنگەن ابزال. ول وتباسىلىق بيۋدجەتتى قاداعالاۋعا, سونداي-اق الاياقتارعا الدانباۋعا سەپتىگىن تيگىزەدى, – دەيدى ءوڭىر باسشىسى اسايىن بايحانوۆ.
سونداي-اق وبلىس ورتالىعىنداعى مۇباراك جامانبالينوۆ اتىنداعى بالالار كىتاپحاناسى دا جاڭارتۋدان ءوتتى. مۇندا وقۋ زالى, ءماجىلىس زالى جانە بالالار بولىمدەرى بار. جاڭارتىلعان عيماراتتا وقۋشىلاردىڭ ىڭعايىنا قاراي قوزعالمالى جيھازدار مەن سورەلەر, جۇمساق ديۆاندار ورناتىلعان. سونداي-اق تەاتر ساباقتارىنا ارنالعان شىنى قابىرعا قۇرىلعان. ياعني اتا-انالار بالالارىنىڭ دايىندىعىن ءوز كوزىمەن كورە الادى.
پاۆلودار وبلىسى
