سۋرەت: profsouzsenim.kz
بۇل سالادا تەك دارىگەرلىك كومەك قانا ەمەس, ءار ادامعا مەيىرىممەن, قايىرىممەن, قۇرمەتپەن قاراۋ كەرەك. «اق سيسا» ۇجىمىنىڭ باستى مۇراتى – مۇگەدەكتىگى بار ازاماتتاردى سىرقاتىنان ايىقتىرىپ, قاتارعا قوسۋ. مەكەمەدە جۇيكە كەسەلىنە, سوزىلمالى اۋرۋلارعا شالدىققان ناۋقاستار دا ەمدەلەدى.
ورتالىقتىڭ جەتەكشىسى ايگەرىم جۇمكەنقىزى باسقاراتىن ۇجىمدا ءوز ىسىنە ادال, كاسىبىنە مىعىم, بىلىكتى ماماندار ەڭبەك ەتەدى. دارىگەر-رەابيليتولوگ ايگۇل تۇرسىنقىزى, تەراپەۆت سامال باۋىرجانقىزى, نەۆرولوگ ايمان ۇباشقىزى, كارديولوگ ءادىل جۇماعالي ۇلى, سىنىقشى دارىگەر ن.قازكەن, لوگوپەد-دەفەكتولوگ مارجان تولەشقىزى, دەنە شىنىقتىرۋ ماماندارى دەنيس, داميرا, زارينا, ەربول, گۇلدانا, جانزادا سىندى بىلىكتى دارىگەرلەرگە العىسىم شەكسىز. بۇلاردان بولەك, ءوز ءىسىنىڭ بىلگىرى, ەڭبەگىن ادال اتقارىپ, كوپشىلىكتىڭ العىسىنا كەنەلىپ جۇرگەن مەيىربيكەلەر تولقىن حاسەنقىزى, ءماريام عابباسقىزى, كاميلا پولاتقىزى, قارلىعاش جاتقىزى, زارينا, بالقيا, ارداگۇل, ديليارا ورتالىققا كەلۋشىلەردى جىلى جۇزبەن قارسى الادى. وڭالتۋ ورتالىعىنىڭ اكىمشىلىك قىزمەتكەرلەرى مارال مەن ءمادينا ءاربىر ەم قابىلداۋشىنى دەر كەزىندە ورنالاستىرادى.
وڭالتۋ ورتالىعى اسحاناسىنىڭ تازالىعى مەن اس ءمازىرى تۋرالى اڭگىمە بولەك. ءتارتىپ ورناعان جەردە ءاردايىم تازالىق ساقتالادى. اسپازداردىڭ قولىمەن پىسىرگەن اس-اۋقاتى, ازىرلەگەن ءار تاعامى ءتىل ۇيىرەدى. بۇل شيپاجايعا تەك كەرەكۋلىكتەر عانا ەمەس, اقتوبە, سولتۇستىك قازاقستان, باتىس, قازاقستان, قاراعاندى وبلىسىنان دا ەمدەلۋشىلەر كەلىپ جانىنا شيپا تابادى. ەلىمىزدەگى ىرگەلى كاسىپورىندار وسىنداي يگىلىكتى ءىستى جۇزەگە اسىرىپ, سىرقاتقا شالدىققان جانداردىڭ كوڭىلىنە مەدەۋ بولىپ وتىرعان مەكەمەگە قاراسىپ, قولداۋ كورسەتسە دەيمىن.
بۇركىت شومانوۆ,
ءىىى دارەجەلى «كەنشى داڭقى» بەلگىسىنىڭ يەگەرى, ەڭبەك ارداگەرى
پاۆلودار وبلىسى
