ءمينيستردىڭ ايتۋىنشا, كولىكتە ينتەرنەتتى ەنگىزۋ جۇمىستارى كەلەسى جىلدان باستاپ باستالماق.
«Air Astana ۇشاقتارىندا جانە "قتج" پويىزدارىندا ينتەرنەت كەلەسى جىلدان باستاپ پايدا بولا باستايدى. ءبىزدىڭ باعالاۋىمىز بەن جوسپارىمىز بويىنشا, كەلەسى جىلدىڭ ءبىرىنشى جارتىجىلدىعىندا پويىز جولاۋشىلارىنىڭ شامامەن 50 پايىزى سپۋتنيكتىك ينتەرنەتكە قول جەتكىزە الادى. ال كەلەسى جىلدىڭ قازان ايىنان باستاپ Air Astana اۋە كومپانياسىنىڭ كەيبىر ۇشاقتارىندا سپۋتنيكتىك ينتەرنەتكە قوسىلۋ مۇمكىندىگى بولادى», دەدى مينيستر.
ونىڭ سوزىنشە, سپۋتنيكتىك ينتەرنەت تەحنولوگيالارى بۇگىندە قولجەتىمدى, الايدا قازاقستاندىق اۋە كومپانيالارى ونى ازىرگە قولدانباي وتىر. ال قازاقستانعا رەيس ورىندايتىن بىرقاتار شەتەلدىك تاسىمالداۋشىلار, ونىڭ ىشىندە Turkish Airlines, بۇل قىزمەتتى بۇرىننان ۇسىنىپ كەلەدى.
مينيستر Air Astana كومپانياسى قاجەتتى جابدىق ورناتىلعاننان كەيىن اۋە كەمەلەرىندە ينتەرنەتتى ەنگىزۋدى باستاۋدى جوسپارلاپ وتىرعانىن ايتىپ, جوبانىڭ جۇزەگە اسۋ مەرزىمىنە وڭ باعا بەرەتىنىن جەتكىزدى.
