اگەنتتىك ايماقتىق اۋەجايلاردا اۋە وتىنىنىڭ باعاسىنا قاتىستى تەكسەرۋ جۇرگىزىپ, ناتيجەسىندە قوستاناي جانە قىزىلوردا اۋەجايلارى جانارمايدى جوعارى باعامەن ساتقانىن انىقتادى.
قوستاناي وبلىسىندا احمەت بايتۇرسىن ۇلى اتىنداعى قوستاناي حالىقارالىق اۋەجايى ءوزىنىڭ قىزمەتتىك جاعدايىن تەرىس پايدالانعانى ءۇشىن كىنالى دەپ تانىلدى. سوت شەشىمىمەن اۋەجايعا جالپى سوماسى 16,6 ملن تەڭگە ايىپپۇل سالىندى.
سونداي-اق قىزىلوردا قالاسىنداعى قورقىت اتا اتىنداعى اۋەجايعا دا وسىنداي شارا قولدانىلدى. اۋەجاي 7,3 ملن تەڭگە كولەمىندە ايىپپۇل تولەدى, قوسىمشا 2,5 ملن تەڭگە زاڭسىز الىنعان تابىسى تاركىلەندى. باسەكەلەستىكتى قورعاۋ جانە دامىتۋ اگەنتتىگىنىڭ نۇسقاماسىنا سايكەس, اۋە وتىنىنىڭ باعاسى 780 مىڭ تەڭگەدەن 533 750 تەڭگەگە دەيىن تومەندەتىلدى.
