ولاردىڭ كوركەمدىك مازمۇنى نەگىزىنەن اۋدارماعا باعىتتالعان. ابايدىڭ 180 جىلدىعى ەل كولەمىندە كەڭىنەن اتاپ ءوتىلدى. ويشىلدىڭ بىرنەشە كىتابى وزبەك تىلىنە اۋدارىلىپ, مەكتەپتەر مەن جوعارى وقۋ ورىندارىنا تەگىن تاراتىلدى.
قازاق كىتاپتارىنىڭ نەگىزگى وقىرمانى – مەكتەپ وقۋشىلارى. قانداستار كوپ شوعىرلانعان تاشكەنت پەن ناۋاي وبلىستارىنان بولەك, قاراقالپاقستاندا دا قازاق جازۋشىلارىنىڭ شىعارمالارى سۇرانىسقا يە. ال ابايدىڭ بىرنەشە كىتابى وزبەك تىلىندە جارىققا شىقتى.
وزبەكستاندا قازاق قالامگەرلەرىنىڭ جالپى سانى 60-قا جۋىقتايدى. بيىل ءتۇرلى جانردا 20-عا جۋىق كىتاپ شىققان. اۆتورلار كوبىنە تۋعان جەر, ەستەلىكتەر مەن بالالار شىعارمالارىن جازادى.
«وتانداستار قورى ارنايى باعدارلاما جاريالاپ سونىڭ اياسىندا ءبىزدىڭ اقىن-جازۋشىلار كىتاپ شىعاردى. ونى قاڭتار ايىندا تانىستىراتىن بولامىز», دەيدى وزبەكستان جازۋشىلار وداعى قازاق ادەبيەتى كەڭەسىنىڭ توراعاسى ءتۇرسىنالى احمەتوۆ.
ال كەلەر جىلى جارىققا شىعاتىن شىعارمالاردىڭ مازمۇنى مەن قارجىلاندىرۋ تەتىكتەرى قازىر قاراستىرىلىپ جاتىر. جاس قالامگەرلەردى قولداۋ تاقىرىبى دا نازاردان تىس قالمايدى.
