«قالامىزدا سپورت سالاسىنا ەرەكشە كوڭىل ءبولىنىپ كەلەدى. تۇرعىنداردىڭ سپورتپەن اينالىسۋىنا جاعداي جاسالىپ, زاماناۋي الاڭدار سالىنىپ جاتىر. جىل باسىنان بەرى قالا سپورتشىلارى رەسپۋبليكالىق جانە وبلىستىق جارىستاردا 417 مەدال, ونىڭ 111-ءى التىن, 113-ءى كۇمىس جانە 193-ءى قولا جەڭىپ الدى. بۇل جەتىستىكتەر – سىزدەردىڭ قاجىرلى ەڭبەكتەرىڭىزدىڭ جەمىسى عانا ەمەس, جاتتىقتىرۋشىلار مەن وتباسى مۇشەلەرى قولداۋىنىڭ ناتيجەسى», دەدى شاھار باسشىسى.
بۇل كۇنى اكىمنىڭ العىس حاتى مەن اقشالاي سىيلىق 80-نەن استام سپورتشىعا تابىستالدى. ونىڭ ىشىندە پانكراتيونشىلار, شاحماتشىلار, كۇرەسشىلەر, پارا قول كۇرەسىنەن جەڭىمپازدار, بوكسشىلار, فۋتبولشىلار, جەلكەندى قايىقپەن اينالىساتىندار بار.
بيىلعى جىلى بۇقارالىق سپورتتى دامىتۋ ماقساتىندا قالانىڭ 15 اۋماعىندا كۇندەلىكتى دەنە شىنىقتىرۋعا ارنالعان ۆوركاۋت الاڭدارى سالىندى. ودان بولەك, بىلتىر «كروسسفيت» الاڭى قولدانىسقا بەرىلدى. سونداي-اق وسى جىلى جاعاجاي سپورتىنا ارنالعان الاڭ جوندەۋدەن ءوتىپ, جاڭا كەلبەتكە ەندى. قالادا بالالار مەن جاسوسپىرىمدەرگە ارنالعان سپورت مەكتەبى جۇمىس ىستەيدى. ءتۇرلى اقىلى ۇيىرمەلەرگە دە قاتىسۋعا مۇمكىندىكتەر اشىلعانىن ايرىقشا اتاۋ ماڭىزدى.
