«دوستىق-2025» بايقاۋى ازاماتتىق قوعامدى جاڭعىرتۋ, ۇلتتىق قۇندىلىقتاردى دارىپتەۋ, سونداي-اق قازاقستان حالقى اسسامبلەياسىنىڭ 30 جىلدىعىن قورىتىندىلاۋ ماقساتىندا ۇيىمداستىرىلدى.
«ىنتىماقتى ەلگە باق قونار» دەگەن اتالى ءسوز بار. ەل بىرلىگى – ەلدىگىمىزدىڭ ارقاۋى, تاۋەلسىزدىك تىرەگى. مەملەكەت باسشىسى قاسىم-جومارت كەمەل ۇلى توقاەۆ: «بىرلىگىمىز – ەڭ باستى بايلىعىمىز» دەپ اتاپ وتكەندەي, ەلدىك مۇددە جولىندا بىرلەسىپ ەڭبەك ەتۋ – بارشامىزدىڭ باستى مىندەتىمىز. بۇل ۇستانىم جۋىردا پرەزيدەنتتىڭ جارلىعىمەن بەكىتىلگەن ىشكى ساياسات جونىندەگى ستراتەگيالىق قۇجاتتاردا دا جالعاسىن تاپقان. «قازاقستان رەسپۋبليكاسىنىڭ ىشكى ساياساتىنىڭ نەگىزگى قاعيداتتارى, قۇندىلىقتارى مەن باعىتتا-رى» تۋرالى جارلىقتا «بىرلىك پەن ىنتىماق – قوعامداعى تۇراقتىلىق پەن ۇيلەسىمدىلىكتىڭ تۇعىرى سانالاتىن قۇندىلىقتار» دەپ ناقتى ايقىندالدى. ادال ەڭبەك, رياسىز كوڭىلدىڭ ارقاسىندا سىزدەر تاتۋلىق پەن كەلىسىمنىڭ جارقىن ۇلگىسىن كورسەتىپ كەلەسىزدەر. سونىڭ دالەلى – بۇگىنگى «دوستىق» بايقاۋى. بۇل – وڭىرىمىزدەگى ەتنوس وكىلدەرىنىڭ مادەنيەتى مەن ءداستۇرىن قۇرمەتتەپ, ىنتىماق-بىرلىگىمىزدى نىعايتۋعا باعىتتالعان ماڭىزدى شارا. اباي وبلىسىندا عانا وتكىزىلەتىن ماڭىزدى الاڭ دەسەك بولادى. قاشاندا بەلسەندى ازاماتتىق ۇستانىم, ەل تىنىشتىعى مەن ۇلت تۇتاستىعىن كوكسەگەن سىزدەردىڭ ەڭبەكتەرىڭىز وراسان زور!» دەدى وبلىس اكىمى, اباي وبلىسىنداعى قازاقستان حالقى اسسامبلەياسىنىڭ توراعاسى بەرىك ءۋالي,
جيىندا «دوستىق-2025» بايقاۋىنىڭ جەڭىمپازدارى «رۋحاني بىرلىك پەن جالپىۇلتتىق كەلىسىمدى دامىتۋعا قوسقان ۇلەسى ءۇشىن», «ازاماتتىق قوعامدى دامىتۋعا قوسقان ۇلەسى ءۇشىن», «قوعامداعى تاتۋلىق پەن ءوزارا قۇرمەتتى نىعايتۋعا قوسقان ۇلەسى ءۇشىن», «مادەني مۇرا مەن ءداستۇردى ساقتاۋعا قوسقان ۇلەسى ءۇشىن», «رۋحاني كەلىسىم مەن ۇرپاق ساباقتاستىعىنىڭ ۇلگىسى» اتالىمدارى بويىنشا ماراپاتتالدى. سونىمەن قاتار بىرقاتار ەتنومادەني بىرلەستىكتەر مەن قوعامدىق ۇيىم وكىلدەرىنە قازاقستان حالقى اسسامبلەياسىنىڭ جانە وبلىس اكىمىنىڭ العىسحاتتارى تابىستالدى.
كەش سوڭىندا امىرە قاشاۋباەۆ اتىنداعى مەملەكەتتىك فيلارمونيانىڭ كونتسەرتتىك باعدارلاماسى كورەرمەن نازارىنا ۇسىنىلدى.
اباي وبلىسى
