قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ بۇيرىعى №167

2015 جىلعى 27 ناۋرىز,  استانا قالاسى جۇمىس بەرۋشىنىڭ جۇمىسقا ورنالاستىراتىن ەلدىڭ بانكتەرىنە كەپىلدىك بەرىلگەن جارنا ەنگىزۋ قاعيدالارىن جانە ونىڭ مولشەرىن بەكىتۋ تۋرالى «حالىقتى جۇمىسپەن قامتۋ تۋرالى» 2001 جىلعى 23 قاڭتارداعى قازاقستان رەسپۋبليكاسىنىڭ زاڭى 10-بابىنىڭ 4-تارماعىنا سايكەس بۇيىرامىن: 1. قوسا بەرىلىپ وتىرعان جۇمىس بەرۋشىنىڭ جۇمىسقا ورنالاستىراتىن ەلدىڭ بانكتەرىنە كەپىلدىك بەرىلگەن جارنا ەنگىزۋ قاعيدالارى جانە ونىڭ مولشەرى بەكىتىلسىن. 2. قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ ەڭبەك, الەۋمەتتىك قورعاۋ جانە كوشى-قون كوميتەتى زاڭنامادا بەلگىلەنگەن تارتىپپەن: 1) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدى; 2) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇن ىشىندە مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جىبەرۋدى; 3) وسى بۇيرىقتى قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ ينتەرنەت-رەسۋرسىندا ورنالاستىرۋدى قامتاماسىز ەتسىن. 3. وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. مينيستر ت.دۇيسەنوۆا. كەلىسىلدى قازاقستان رەسپۋبليكاسىنىڭ ىشكى ىستەر ءمينيسترى ق.ن. قاسىموۆ 2015 جىلعى 7 ءساۋىر قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ ءمينيسترىنىڭ 2015 جىلعى 27 ناۋرىزداعى № 167 بۇيرىعىمەن بەكىتىلگەن جۇمىس بەرۋشiنiڭ جۇمىسقا ورنالاستىراتىن ەلدiڭ بانكتەرiنە كەپiلدiك بەرiلگەن جارنا ەنگiزۋ قاعيدالارى جانە ونىڭ مولشەرi 1. جالپى ەرەجەلەر 1. جۇمىس بەرۋشىنىڭ جۇمىسقا ورنالاستىراتىن ەلدىڭ بانكتەرىنە كەپىلدىك بەرىلگەن جارنا ەنگىزۋ قاعيدالارى جانە ونىڭ مولشەرى (بۇدان ءارى – قاعيدالار) «حالىقتى جۇمىسپەن قامتۋ تۋرالى» قازاقستان رەسپۋبليكاسىنىڭ زاڭى 10-بابىنىڭ 4-تارماعىنا سايكەس ازىرلەندى. 2. وسى قاعيدالاردا پايدالانىلاتىن نەگىزگى ۇعىمدار: 1) كەپiلدiك بەرiلگەن جارنا (بۇدان ءارi – جارنا) – ەڭبەك شارتىنىڭ مەرزiمi اياقتالعاننان كەيiن شەتەلدiك قىزمەتكەردiڭ ءوزiنiڭ تۇراقتى تۇراتىن ەلiنە قايتا ورالۋ كەپiلدiگiن قامتاماسىز ەتەتiن اقشالاي جارنا; 2) جۇمىسپەن قامتۋ ماسەلەلەرi جونiندەگi ۋاكiلەتتi ورگان (بۇدان ءارi – ۋاكiلەتتi ورگان) – جەرگiلiكتi اتقارۋشى ورگانداردىڭ وڭiرلiك دەڭگەيدە حالىقتىڭ جۇمىسپەن قامتىلۋىنا جاردەمدەسۋiن جانە جۇمىسسىزدىقتان الەۋمەتتiك قورعاۋدى قامتاماسىز ەتەتiن قۇرىلىمدىق بولiمشەسi; 3) شەتەلدiك جۇمىس كۇشiن تارتۋعا ارنالعان رۇقسات – تيiستi اكiمشiلiك-اۋماقتىق بiرلiكتiڭ اۋماعىنا تارتۋ ءۇشiن ورتالىق اتقارۋشى ورگان بولگەن كۆوتا شەگiندە شەتەلدiك جۇمىس كۇشiنiڭ سانىن ايقىندايتىن, وبلىستاردىڭ, استانا جانە الماتى قالالارىنىڭ جەرگiلiكتi اتقارۋشى ورگانى قازاقستان رەسپۋبليكاسى ۇكىمەتىنىڭ 2012 جىلعى 13 قاڭتارداعى № 45 قاۋلىسىمەن بەكىتىلگەن شەتەلدىك قىزمەتكەرگە جۇمىسقا ورنالاسۋعا جانە جۇمىس بەرۋشىلەرگە شەتەلدىك جۇمىس كۇشىن تارتۋعا رۇقسات بەرۋدىڭ قاعيدالارى مەن شارتتارىنا 2 جانە 3-قوسىمشالارعا سايكەس نىساندار بويىنشا بەرەتiن قۇجات. 2. كەپiلدiك بەرiلگەن جارنانى ەنگiزۋ ءتارتiبi جانە ونىڭ مولشەرi 3. قازاقستان رەسپۋبليكاسىنا شەتەلدiك جۇمىس كۇشiن تارتۋعا رۇقسات الۋ ءۇشىن جۇمىس بەرۋشiلەر ءاربiر شەتەلدiك قىزمەتكەر ءۇشiن قازاقستان رەسپۋبليكاسىنىڭ بانكتەرiنە جارنا ەنگiزەدى. 4. جارنالار جۇمىس بەرۋشىنىڭ قازاقستان رەسپۋبليكاسىنىڭ اۋماعىنداعى بانكتەردىڭ بىرىندەگى بانكتىك شوتىنا ەنگىزىلەدى. 5. بانك پەن جۇمىس بەرۋشi اراسىنداعى شارتتا مىنالار: 1) شەتەلدىك قىزمەتكەردىڭ ءوزi اۋماعىندا تۇراقتى تۇراتىن مەملەكەتتى كورسەتە وتىرىپ, تەگى, اتى, جەكە باسىن كۋالاندىراتىن قۇجاتتىڭ ءنومىرى; 2) ءار قىزمەتكەرگە ارنالعان جارنا سوماسى; 3) بانكتىڭ جۇمىس بەرۋشىگە جارنالاردى قايتارۋ ءتارتiبi كورسەتىلەدى. 6. بiر شەتەلدىك قىزمەتكەرگە ارنالعان جارنا ول اۋماعىندا تۇراقتى تۇراتىن مەملەكەتتىڭ جاقىن ماڭداعى اۋەجايىنا دەيىنگى اۆيابيلەتتىڭ «ەكونوميكالىق» سىنىپ بويىنشا قۇنىنان كەم ەمەس مولشەردە بەلگىلەنەدى. 7. تاۋەلسىز مەملەكەتتەر دوستاستىعى ەلدەرىنەن كەلگەن بiر شەتەلدىك قىزمەتكەرگە ارنالعان جارنا ول اۋماعىندا تۇراقتى تۇراتىن مەملەكەتتىڭ جاقىن ماڭداعى ستانتسياسىنا دەيىنگى تەمىر جول (كۋپەلى ۆاگون) نەمەسە اۆتوموبيل كولىگى بيلەتىنىڭ قۇنىنان كەم ەمەس مولشەردە بەلگىلەنەدى. 8. ۋاكىلەتتى ورگان قازاقستان رەسپۋبليكاسىنىڭ ىشكى ىستەر ورگاندارى شەتەلدىك قىزمەتكەردىڭ قازاقستان رەسپۋبليكاسىنىڭ شەگىنەن تىس شىققانىنا راستاماسى بولعان كەزدە جۇمىس بەرۋشىگە ول ەنگىزگەن كەپىلدىك جارنانى قايتارۋعا جازباشا كەلىسىم بەرەدى. 9. ۋاكىلەتتى ورگان جۇمىس بەرۋشى جۇگىنگەن كۇنىنەن باستاپ ءۇش جۇمىس كۇنى ىشىندە قازاقستان رەسپۋبليكاسىنىڭ ىشكى ىستەر ورگاندارىنا شەتەلدىك قىزمەتكەردىڭ قازاقستان رەسپۋبليكاسىنىڭ شەگىنەن تىس شىققانى تۋرالى دەرەكتەردى الۋ ءۇشىن سۇراۋ سالۋدى تەلەكستى, فاكستى جانە ەلەكتروندىق حابارلامانى قوسا العاندا اقپارات بەرۋدىڭ كەز كەلگەن جەدەل ءتاسىلى ارقىلى جولدايدى. سۇراۋ سالۋدى جىبەرۋ كەزىندە: شەتەلدىك ازاماتتىڭ تەگى, اتى, اكەسىنىڭ اتى (بولعان جاعدايدا), تۋعان كۇنى, ازاماتتىعى, پاسپورتىنىڭ ءنومىرى, شەتەلدىك ازاماتتىڭ جەكە سايكەستەندىرۋ ءنومىرى (بولعان جاعدايدا), شەتەلدىك جۇمىس كۇشىن تارتۋعا ارنالعان رۇقساتتىڭ ءنومىرى كورسەتىلەدى. 10. قازاقستان رەسپۋبليكاسىنىڭ ىشكى ىستەر ورگاندارى سۇراۋ سالىنىپ جاتقان ادام تۋرالى اقپاراتتى «بۇركىت» بىرىڭعاي اقپاراتتىق جۇيەسى ارقىلى الىپ, بەس جۇمىس كۇنى ىشىندە ۋاكىلەتتى ورگانعا سۇراۋ سالۋدى قاراۋ ناتيجەسى تۋرالى جاۋاپتى تەلەكستى, فاكستى جانە ەلەكتروندىق حابارلامانى قوسا العاندا اقپاراتتى كەز كەلگەن جەدەل ءتاسىلى ارقىلى جىبەرەدى. 11. جۇمىس كۇشىن قازاقستان رەسپۋبليكاسىنان شەتەلگە شىعارۋ كەزىندە شەتەلدىك جۇمىس بەرۋشىنىڭ جۇمىسقا ورنالاستىراتىن ەلدىڭ بانكتەرىنە كەپىلدىك بەرىلگەن جارنا ەنگىزۋ ءتارتiبi مەن شارتتارى جۇمىسقا ورنالاستىراتىن ەلدىڭ زاڭناماسىندا رەتتەلەدى. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 6 مامىردا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №10959 بولىپ ەنگىزىلدى.