فوتو: freepik.com
فرانتسۋزدار جاڭا جىل قارساڭىندا سىيلىقتارىن كۇتىپ جۇرگەندە, حاكەرلەر La Poste جۇيەسىنە «سوققى» جاسادى. قازىرگى ۋاقىتتا كومپانيانىڭ رەسمي سايتى جۇمىس ىستەمەي تۇر, ال سالەمدەمەلەردى ونلاين قاداعالاۋ مۇمكىن ەمەس.
روجدەستۆو تۇنىندە (24-نەن 25-نە قاراعان ءتۇنى) بولعان بۇل شابۋىل پوشتا بولىمشەلەرىندە ۇلكەن كەزەكتەر مەن نارازىلىقتار تۋدىردى. قىزمەتكەرلەر ءاربىر تۇتىنۋشىعا جاعدايدى ءتۇسىندىرىپ, جۇرتتى سابىرعا شاقىرۋمەن الەك.
كيبەرشابۋىل تەك پوشتامەن شەكتەلمەي, كومپانيانىڭ بانكتىك جۇيەسىن دە جەتتى. كليەنتتەر ءموبيلدى قوسىمشاعا كىرە الماي, تولەمدەرىن ەسكى ادىسپەن − SMS-راستاۋ ارقىلى عانا جاساپ جاتىر. دەگەنمەن, La Poste باسشىلىعى حالىقتى تىنىشتاندىرىپ, «جەكە دەرەكتەر ۇرلانعان جوق» دەپ سەندىردى.
ايتا كەتەرلىگى, جەلىدەگى العاشقى اقاۋلار 20 جەلتوقساندا-اق بايقالعان. ماماندار بۇل ەرتە باستالعان «بارلاۋ» ما الدە كەزدەيسوق سايكەستىك پە دەگەن سۇراقتىڭ باسىن اشىپ جاتىر.
