ترەنينگ باعدارلاماسى پراكتيكالىق داعدىلاردى دامىتۋعا باعىتتالدى. ونىڭ ىشىندە كونتەنتتى ءارتۇرلى پلاتفورمالارعا بەيىمدەۋ, فاكتچەكينگ, دەرەكتەردى تالداۋ جانە رەداكتسيالىق جۇمىستا تسيفرلىق قۇرالداردى پايدالانۋ بولدى. ەرەكشە نازار مۋلتيمەديالىق كونتەنتكە, مەدياەتيكاعا, سونداي-اق جاساندى ينتەللەكت قۇرالدارىن ەنگىزۋ مەن الەۋمەتتىك جەلىلەرمەن جۇمىس ىستەۋگە اۋدارىلدى.
جوبا قازاقستان رەسپۋبليكاسى مادەنيەت جانە اقپارات مينيسترلىگى مەن «كسەلل» اق اراسىنداعى ىنتىماقتاستىق تۋرالى مەموراندۋم اياسىندا جۇزەگە اسىرىلدى. «كسەلل» اق كورپوراتيۆتىك بايلانىستار ءبولىمىنىڭ باسشىسى بايرام ازيزوۆتىڭ ايتۋىنشا, بۇل باستاما مەدياسالانى دامىتۋدا مەملەكەت پەن بيزنەستىڭ سەرىكتەستىگىنىڭ تيىمدىلىگىن كورسەتەدى.
ترەنينگتەردىڭ نەگىزگى باسىمدىعى پراكتيكالىق بولىمگە – تاپسىرمالاردى ورىنداۋ, كەيستەردى تالداۋ جانە جوبالاردى قورعاۋعا جاسالدى. سپيكەرلەر قاتارىندا «كسەلل» اق جانە Ericsson كومپانياسىنىڭ وكىلدەرى بولدى. ولار تەلەكوممۋنيكاتسيا سالاسىنىڭ دامۋىنداعى وزەكتى ۇردىستەردى تانىستىردى جانە تسيفرلىق ترانسفورماتسيانى حالىققا جەتكىزۋدە باق ءرولىن ەرەكشە اتاپ ءوتتى.
